Киһи
уобараска киирэн бэйэтин хааччахтарын төлөрүтүнэригэр
кыах биэрэр биир ньыма — театр.
А.Ф. Шестаков аатынан Улуустааҕы норуот айымньытын дьиэтигэр муус устар 22 күнүгэр Нам улууһун оскуолаларын ортолоругар «Театр эйгэтэ» конкурс түмүктэннэ. Бу тэрээһин Дойдуга педагог уонна уһуйааччы, Аан дойдутааҕы театр күннэрин чэрчитинэн ыытылынна.
24 оскуолаттан 336 оҕо театр араас көрүҥнэриттэн инсценировкалары, литературнай композициялары көрдөрдүлэр. Хас биирдии коллектив анаан-минээн бэлэмнэнэн, артыыстар тылларын, гримнэрин, көстүүмнэрин, декорацияны, бутафорияны барытын чымпыктаан бэлэмнэммиттэрэ көрөөччүгэ тута быраҕыллар. Улуус нэһилиэктэрин оскуолаларыттан кэлбит оҕолор бары олус сэргэхтик туттан, үөрэ-көтө тэҥ саастыылаахтарын кытта хото алтыстылар, атын коллектив хайдах толорорун көрдүлэр-иһиттилэр.
Хас биирдии кырачаан, эдэркээн артыыс учууталларын, уһуйааччыларын тылларын болҕомтолоохтук истэн, сценаҕа көрөөччү хабыллар ытыһын тыаһынан тахсара учууталларга, уһуйааччыларга, төрөппүттэргэ, үөлээннээхтэргэ олус долгутуулаах. Театры оҕо аймах сэргиир эбит диэн көрөөччүлэр бэлиэтээтилэр.
Инникитин даҕаны Театр эйгэтэ сүгүрүйээччилэринэн хаҥыы турдун!
