Ыам ыйын 21 күнүгэр, Саха Өрөспүүбүлүкэтигэр Ырыа күнүн көрсө, Нам киинин М.К. Аммосов аатынан киин болуоссат кытылыгар тыыннаах доҕуһуолунан эҕэрдэлээх киэһэ ыытылынна.
Нэһилиэктэртэн ырыаны таптааччылар, ырыаны айааччылар бу дьоро киэһэҕэ кытыннылар. Ырыаларынан дьоҥҥо, дойдуга бэриниилээх тапталы хоһуйдулар, олоххо эрэли күүһүртүлэр.
Аһаҕас халлаан анныгар, саха күүтэр сайынын көрсө, киэһээҥҥи сааскы көй салгыҥҥа уйдаран, иэйиилээх ырыалары манньыйа истэн көрөөччүлэр астын-дуоһуйа сынньаналлар, үтүө киэһэни олус сэргииллэр, үгэс оҥостон мэлдьи күүтэллэр. Бу сырыыга, кыттааччылар, ырыаны толорооччулар кэккэлэригэр оскуола оҕолоро, ыччаттар кэлбиттэрэ олус үөртэ. Гитаранан толоруу оҕолор, ыччаттар ортолоругар тэнийэн эрэрэ кэрэхсэбиллээх.
Об авторе
