Быйылгы сыл нам улууһугар айылҕаттан айдарыылаах, уус-уран тыллаах-өстөөх норуокка биллэр ырыаһыт, тойуксут, олоҥхоһут, ССРС суруйааччыларын чилиэнэ, Саха АССР култууратын Үтүөлээх үлэһитэ Прокопий Прокопьевич Ядрихинскай-Бэдьээлэ 125 үбүлүөйдээх сыла. Устар ууну сомоҕолруур ураты сүдү талааннаах Ытык Киһибит кэлэр кэнчээритигэр сүдү айымньылары суруйан хаалларбыта:
«Күннүктээх сири көтөн-мөҕөн айанныыр көҕөччөр элэмэс аттаах Күн Дьөһүөлдьүт бухатыыр»
«Туйаҕын саҕатыттан чочугур чуоҕур аттаах Тойон Дьөллүүт бухатыыр»
«Тумул хара тыа туллан-хайдан түспүтүн курдук туналҕаннаах муус маҥан аттаах Тойон Доҕуһуол»
«Улуу дойдуну тумнары баттаан үөскээбит, моонньун аттыгар бугул саҕа моҕохтоох Модун Баай тойон»
«Күннүк сиртэн күөн өттөөн сиир, көҕөччөр элэмэс аттаах күүстээх-уохтаах күрүүлр-харылыыр Көр Дохсун бухатыыр»
«Көй салгынаһылыктаах көдьүнэ маҥан аттаах күүстээх-уохтаах Күүлэ Дьулусхан»
Дьон-сэргэ ордук сөбүлээн ааҕар, толорор айымньытынан «Дьырыбына Дьырылыатта Кыыс бухатыыр» олоҥхото буолар.
П.П.Ядрихинскай-Бэдьээлэ аатынан Олоҥхо Дьиэтин айар бырайыагар кыттыһан ыам ыйын 20 күнүгэр «Дьырыбына Дьырылыатта Кыыс бухатыыр» олоҥхотуттан А.Ф.Шестаков аатынан Улуустааҕы норуот айымньытын үлэһиттэрэ Туяра Петрова, Анисия Трофимова, Туйаара Ушканова, Алтыына Шапошникова, Федот Соловьев уонна Михаил Рожин быһа тардан аахтылар.
Об авторе
