Саха сиригэр Култуура сылын иитинэн, тыа сирин дьонун-сэргэтин айар үлэлэрин сырдатыы күүскэ ыытыллар, көрөөччү-истээччи киэҥ сэҥээриитигэр тарҕанар.
Бүгүн биһиэхэ Дьокуускай куорат олохтооҕо, социальнай үлэ бэтэрээнэ Октябрина Егорова ыыппыт суругун хайдах баарынан таһаарабыт.
Октябрина Егорова: «Кулун тутар 21 күнүгэр, тэлэбиисэргэ «Саха» НКИХ программатыгар түбэһэн, Татьяна Афанасьевна Гоголева ыытар «АЙ-ТУТ САХАМ СИРЭ» передачатыгар Нам улууһун «КОРОБЕЙНИКИ» диэн НУУЧЧА ЫРЫАТЫН НАРОДНАЙ АНСААМБЛЫН туһунан биэриини сүрдээҕин астына-дуоһуйа көрдүм.«
Астынным, билиңңи салайааччы Дмитрий Николаевич Барабанов «КОРОБЕЙНИКИ» туһунан кэпсээнин саҕаланыытыгар, бу ансаамбылы мин эдьиийим Софья КОБЯКОВА тэрийбитин «тоһоҕолообутун». Софья Дмитриевна биир да ырыаны ыллаабат эрээри, дууһата «ыллыыр» буолан, нуучча тыллаах (русскоязычных) «дууһалара ыллыыр» араас омуктары мунньан тэрийбит ансаамбыла.
Астынным — Дмитрий Барабанов да, бары ырыаһыттар да, бу саңа тахсан эрэр, юнкор оҕо Святослав Барабанов да улахан ПРОФЕССИОНАЛЬНАЙ КОЛЛЕКТИВ БУОЛАН, таңас-сап, туттуу-хаптыы, ырыаны толоруу өттүнэн улаханнык үүнэн-сайдан, хайа баҕарар Республика улахан сыаналарын киэргэтэр коллектив эбит диэн.
Астынным, бу коллективка мин урукку коллегам Муза Мстиславовна Гуляева ыллыы сылдьыбытын санаан… урукку ыллыы сылдьыбыт биир дойдулаахтарбын, Намнары санааммын …
Татьяна Афанасьевнаҕа, бу передачаны оңорон таһаарбыт бары үлэһиттэргэ өссө төгүл УЛАХЫЫН -УЛАХАН МАХТАЛ!!!
Өссө да дьон дууһатын «таарыйар», өссө да сүрдээх талааннаах Сахабыт Сирин дьонун — сэргэтин киэң эйгэҕэ таһааран, бу ыллыыр-туойар тыа дьонун сүргэтин көтөҕө туруң!
БАРЫГЫТЫГАР УЛАХАН ДОРУОБУЙАНЫ, АЙЫМНЬЫЛААХ ТАҺААРЫЫЛААХ ҮЛЭНИ!!!«
Ситимҥэ таһаарыыга Дмитрий Барабанов «Саха» НКИХ устуутун кэмигэр түгэннэри үйэтиппит хаартыскалара туһанылыннылар.
Об авторе
