Түөлбэ төрүт үгэстэригэр тирэҕирэн, үйэлээҕи үксэтэр айар-тэрийэр, көҕүлүүр аналлаах кэрэ эйгэ үлэһиттэрин, талба талааннаах Нам олохтоохторун ортолоругар кыл кылыһах дорҕооно уратытык, хас биирдии истээччигэ сүрэҕин ортотунан киирэр. Нам улууһугар кыл кырыымпаны тарҕатааччылары түмэр Мария Степановна Григорьева — Маайа буолар.
Нам улууһун «Эҥсиэли» хаһыат ахсынньы 4 күнүнээҕи таһаарыытыгар биһиги биир идэлээхпит, А.Ф. Шестаков аатынан Улуустааҕы норуот айымньытын Дьиэтин фольклорга исписийэлииһэ Мария Степановна туһунан сырдатыы таҕыста.
