Сэтинньи 8 күнүгэр Тыа хаһаайыстыбатын үлэһиттэрин бэлэмниир Арктикатааҕы судаарыстыбаннай агротехнологическай университетын айар куттаах студеннара Нам улууһугар ыалдьыттаатылар. Саха сирин тас дойдуларга тиийэ аатырдыбыт «Сандал» үҥкүү бөлөҕө, «Ойдуо» этнофольклорнай бөлөх, саха эстрадатын биир ураты ырыаһыта Дархан, ылбаҕай куоластаах ыччаттар көрөөччүлэргэ талааннарын көрдөрөн, сэргэх киэһэни бэлэхтээтилэр.