1990 сыл балаҕан ыйын 27 күнүгэр Саха АССР XII-с ыҥырыылаах Үрдүкү Сэбиэтэ, Михаил Николаев салалтатынан, Саха Өрөспүүбүлүкэтин судаарыстыбаннай Суверинетын туһунан Декларацияны ылыммыта.

Бэлиэ күҥҥэ Нам нэһилиэгин дьон-сэргэтэ саханы Саха дэппит Улуу Убайбыт Максим Кирович Аммосов пааматынньыгар тыыннаах сибэкки дьөрбөтүн уурдулар.

Ленскэй нэһилиэк баһылыга Петр Сокольников, Нам улууһун баһылыгын солбуйааччыта Филипп Николаев, Нам улууһун Үөрэх салалтатын начальнигын солбуйааччыта Светлана Поротова дириҥ суолталаах күнүнэн эҕэрдэлээтилэр.

И.С. Гаврильев аатынан Нам 1 № орто оскуолатын 4 а, б, в кылаастарын үөрэнээччилэрэ кыттыын ыллылар.