Кулун тутар 30 күнүгэр А. Ф. Шестаков аатынан Улуустааҕы норуот айымньытын Дьиэтигэр, Дойдуга Дьиэ кэргэн, Саха сиригэр Оҕо, Нам улууһугар Оҕо спордун сылларын чэрчитинэн, улууспут оҕо уһуйааннарын улахан бөлөх иитиллээччилэрин айар бөлөхтөрүн ортолоругар «Радуга детства» култуурнай-спортивнай фестиваль буолан ааста. Үтүө үгэскэ кубулуйбут «Радуга детства» фестиваль 2014 сыл муус устар 12 күнүттэн саҕалаан Саха сирин норуоттарын спортивнай оонньууларын VI спартакиадата Эҥсиэли хочотугар ыыттыларын көрсө олоххо киирбитэ. Бастакы үс сыл Нам сэлиэнньэтин 12 оҕо уһуйааннарын ортолоругар ыыттылыбыта. 4-с сылыттан улууспут нэһилиэктэриттэн оҕо уһуйааннара кыттар буолбуттара.
Ол курдук, дьиэ кэргэнинэн оҕо илиинэн оҥоһуктарын аҕалан көмүскүүр, ансаамбылынан ырыа, үҥкүү, саха остуоруйаларыттан быһа тардан көрдөрүү, литературнай монтаж, олоҥхоттон быһа тардан толоруу уонна спортивнай үҥкүү түһүмэхтэригэр улахан уонна бэлэмнэнии бөлөхтөр күрэхтэспиттэрэ. Бу фестиваль сүрүн соруга — оҕо санаатын, билиитин, сатабылын туһунан холкутук кэпсииригэр үөрэтии, төрөөбүт тылга, олорор сиргэ ытыктабылы, киэн туттууну, тапталы иҥэрии, ырыаны, үҥкүүнү, остуоруйаны, олоҥхону бөлөҕүнэн толорорго көҕүлээһин, киэҥ сиргэ тутта-хапта сылдьыы култууратын билиһиннэрии, педагогтарга уопут атастаһыытыгар көмө буолуу.
Быйылгы сылга 15 оҕо уһуйаана дьиэ кэргэттэрин кытта бииргэ илиинэн оҥоһуктарын үлэлэрэ, бөлөҕүнэн ырыа, спортивнай үҥкүү толоруулара сыаналанна.
Түмүккэ:
1 бөлөххө
1 ст лауреат — Нам 11№ «Сулусчаан» оҕо уһуйаана;
2 ст лауреат — Хатырык с. «Кэрэчээнэ» оҕо уһуйаана;
3 ст лауреат — Нам 1№ «Солнышко» оҕо уһуйаана;
1 ст дипломант — Партизан с. «Кустук» оҕо уһуйаана;
2 ст дипломант — Аппааны с. «Сандаара» оҕо уһуйаана;
3 ст дипломант — 1-Хомустаах с. «Улыбка» оҕо уһуйаана;
3 ст дипломант — Хамаҕатта с. «Тускул» оҕо уһуйаана.
2 бөлөххө
1 ст лауреат — Үөдэй с. «Чуораанчык» оҕо уһуйаана;
2 ст лауреат — Нам 8№ «Көлүкэчээн» оҕо уһуйаана;
3 ст лауреат — Граф биэрэгин «Ромашка» оҕо уһуйаана;
1 ст дипломант — Бөтүҥ с. «Сардаана» оҕо уһуйаана;
2 ст дипломант — Нам 7№ «Туллукчаан» оҕо уһуйаана;
3 ст дипломант Нам 4№ «Чэчир» оҕо уһуйаана.
3 бөлөххө
Нам 10№ «Теремок» оҕо уһуйаана кыттан 1 ст лауреат үрдүк аатын ылла.
Маны таһынан, иитиллээччилэрин тэрийэн аҕалан кытыннарбыт бастыҥ педагог-салайааччыларга анал ааттар туттарылыннылар.
Дойдуга Дьиэ кэргэн, Саха сиригэр Оҕо, Нам улууһугар Оҕо спордун сылларын чэрчитинэн ыытыллыбыт «Радуга детства» фестиваль Гран При кыайыылааҕынан Нам с. 5№ «Кэскил» оҕо уһуйаана буолла.
«Нам улууһа» МТ «Үөрэх управлениета» МКТ Оскуолаҕа киириэн иннинээҕи оҕо уһуйааннарын отделын салайааччытыгар Евдокия Анатольевна Павловаҕа, кыттыыны ылбыт улууспут оҕо уһуйааннарын салайааччыларыгар, педагогтарыгар, талааннаах хорсун кыттааччыларыгар, кинилэр дьиэ кэргэттэригэр тэрийээччилэр ааттарыттан
ситиһиилэринэн эҕэрдэ уонна барҕа махталбытын тиэрдэбит! Барыгытыгар чэгиэн доруобуйаны, этэҥҥэ буолууну баҕарабыт. Талааннары сайыннарыыга бастакы олоккут үтүө түмүктэрдээх буоллуннар диэн алгыспын аныыбыт!
