Олунньу 21 күнүгэр, М.К. Аммосов аатынан култуура уонна духуобунай сайдыы Дыбарыаһыгар, Саргылана Омукова салайааччылаах Сунтаар улууһун култууратын үлэһиттэрэ ыалдьыттаатылар. Бу сырыы С.А.Зверев-Кыыл Уола төрөөбүтэ 125 сылын көрсө кини олоҕун, айымньыларын кэпсиир, көрдөрөр, сырдатар соруктаах кэлбиттэрин кэпсээтилэр.
Ыраахтан тус сорук оҥостон кэлбит ыалдьыттары «Нам-кылыһах» төрүт дорҕоон бөлөҕө уонна А.Ф. Шестаков аатынан Улуустааҕы норуот айымньытын дьиэтин үлэһиттэрэ саха сиэринэн алаадьылаан, тунаар буруонан арчылаан, кырыымпа кылыһахтаах дорҕоонунан көрүстүлэр.
Айар айан чэрчитинэн оһуокайга, үҥкүүгэ, олоҥхоҕо, тойукка, норуот ырыатыгар, ат симэҕэр икки сүүстэн тахса Нам улууһун олохтоохторугар үөрэх ыытылынна.
