Бүгүн, ыам ыйын 31 күнүгэр, М.К. Аммосов аатынан Култуура уонна духуобунай сайдыы Дыбарыаһыгар «Эр санаа» Орден кавалера, анал байыаннай дьайыы кыттыылааҕа, «Боотур», «БАРС-2» Саха сирин бастакы добровольческай этэрээттэрин хамандыыра, «Россия Геройа» Албан аат иҥэриллибит Александр Гаврильевич Колесовы кытта Нам улууһун дьоно-сэргэтэ төрүт үгэһинэн — арыылаах алаадьынан көрүстэ. Нам олохтооҕо, коллекционер Олег Омин байыас таҥаһыттан, туттар сэбиргэлиттэн уонна Н.М. Рыкунов аатынан улуустааҕы Киин бибилиотека «Биир дойдулаахтарбыт хорсун санааларынан киэн туттабыт» диэн хаһыаттарга, сурунаалларга публикациалартан, кинигэлэртэн выставка турда. З.П. Винокуров аатынан Намнааҕы Оҕо искусстватын оскуолатын преподавателлэрин народнай оркестра (сал. Анна Федулова) доҕуһуоллаан, үөрүүлээх көрсүһүү үктэлин үрдэттэ.
«Нам улууһа» МТ баһылыга Юрий Иннокентьевич Слепцов, «Арбын нэһилиэгэ» МТ баһылыга Борис Борисович Бугаев, «Нам улууһа» МТ депутаттарын Сэбиэтин председателя Алексей Иванович Винокуров, Александр Гаврильевич абаҕата Савва Васильевич Колесов, «Воин» ветеран түмсүүтүн председателя Павел Николаевич Оконешников, Н.С. Охлопков аатынан улуустааҕы Гимназия учуутала Арсен Николаевич Винокуров үтүө тылларынан эҕэрдэлээтилэр. Александр Гаврильевичка «Нам улууһун Ытык киһитэ», «Арбын нэһилиэгин Ытык киһитэ» бочуоттаах бэлиэлэри, эриэккэс эҕэрдэлээх өйдөбүнньүк бэлэхтэри туттардылар. Ону сэргэ, Александр Гаврильевич төрөөбүт Арбынын нэһилиэгин олохтоохторо видео-эҕэрдэлэрин экран нөҥүө тиэртилэр, киэн тутталарын иһитиннэрдилэр.
Киэн тутта долгутуулаах көрсүһүү тэрээһинин И.Е. Винокуров аатынан Намнааҕы педагогическай колледж «Айылҕан» үҥкүү бөлөҕө (сал. Мария Попова), Н.С. Охлопков аатынан улуустааҕы Гимназия үөрэнээччилэрэ (сал. Арсен Винокуров) арыйдылар, И.Д. Винокуров-Чаҕылҕан аатынан Намнааҕы алын сүһүөх оскуолатын үөрэнээччилэрин «Юнармия» этэрээтэ (сал. Анна Ядрихинская) төлөннөөх хоһооннорун анаата, ырыанан киэргэттилэр — «Ньургуһун» народнай хор (хормейстер Елена Кутукова), «Махсыым уолаттар» ырыа ансаамбыла (сал. Иннокентий Татаринов), Ирина Иванова, Елена Заровняева, Афанасий Татаринов, Александр Дьяконов, иилээн-саҕалаан, тэрийэн ыыттылар — Алла Максимова, Николай Жирков.
Бары кэлбит Нам дьоно-сэргэтэ, Дойду чиэһин көмүскүүргэ туруулаһар, хорсуннук, кимиилээхтик киирсэр, үүнэр көлүөнэҕэ патриотическай тыыннаах иитиини-үөрэтиини көҕүлээн тарҕатааччы, биир дойдулаахпытыгар — Россия геройугар Александр Гаврильевич Колесовка чэгиэн доруобуйаны, үтүө олоҕу, этэҥҥэ буолууну баҕаран туран, Вера Цыпандина оһуор үктэллээх оһуохайынан тэрээһин түмүктэннэ.
Тэрээһин түгэннэриттэн хаартыскалар:
