Бүгүн уһуйааммытыгар эбии үөрэхтээһин уһуйааччыта Августа Федотовна көҕүлээһининэн «Сайылык күнэ» ыытылынна. Тэрээһини А.Ф. Шестаков аатынан улуустааҕы норуот айымньытын дьиэтин кэпсэтии жанрын куруһуок салайааччыта Вера Прокопьевна Цыпандина алгыс тылынан, хомус дьүрүскэн тыаһынан арыйда. Оҕолор сир аһа, үөн-көйүүр, о.д.а. оруоллары толорон, сайыны дьүһүннээн көрдөрдүлэр. Түмүккэ – оһуохай толордулар, алгыстаах алаадьынан күндүлэннилэр.
