Муус устар 27 күнэ — Саха Өрөспүүбүлүкэтин күнэ. Саха норуотун туһугар турууласпыт Чулуу дьоммутугар сүгүрүйэр Ытык күмммүт.
Дьон-сэргэ тоҕуоруһа мустан, норуот тутулун историятыгар сүдү кылааттарын киллэрбит, Судаарыстыбаннай уонна бэлитиичиэскэй диэйэтэллэрбит — биир дойдулаахтарбыт — Максим Кирович Аммосов, Илья Егорович Винокуров, Ньургун Семенович Тимофеев сырдык ааттарын аҕыннылар, Ытык өйдөбүнньүктэригэр тыыннаах сибэкки дьөрбөлөрүн уурдулар.
Саха далбар хотуттара ураннык тиктибит сахалыы таҥастарын толору кэтэн, симэнэн, Илья Егорович Винокуров аатын сүгэр киин уулусса устун хаамалларын киһи астына, хайҕыы, киэн тутта көрөр.
Саха кэскиллээх дьылҕатын туһугар сүҥкэн үлэни ыыппыт, турууласпыт, олохторун анаабыт Максим Аммосов, Былатыан Ойуунускай, Степан Аржаков, Исидор Барахов үтүө ааттара ахтылыннылар. Кырачааннар, оскуола үөрэнээччилэрэ, ыччаттар, тэрилтэ салайаччылара, үлэһиттэрэ, аҕа саастаах көлүөнэ дириҥ суолталаах тэрээһиҥҥэ кэлэн «Ленскэй нэһилиэк» ТСТ баһылыга Петр Сокольников, «Нам улууһа» МО баһылыгын солбуйаачыта Егор Протопопов, «Хатырык нэһилиэгэ» ТСТ баһылыгын солбуйааччыта Айаал Дьяконов бэлиэ күнүнэн эҕэрдэлэрин, инникитин үтүө быһыыга түмсүүлээх буолууга ыҥырыыларын иһиттилэр.
Саха буолан сандаарар сырдык ыралаах, Ытык дьоммутугар сүгүрүйэр, кэриэстиир бэлиэ тэрээһин өбүгэ саҕаттан утумнанан норуоту сомоҕолуур Добун оһуохайынан түмүктэннэ.
Об авторе
