Кулун тутар 7 күнүгэр сааскы маҥнайгы кэрэ күнү көрсө, “Дьүөгэлэр” ырыа народнай ансаамбыла тэриллибитэ 35 сылынан дьахталлар ортолоругар ырыа ансаамбылларын сайыннаран, репертуары хаҥатан, олохтоох ааптардар ырыаларын истээччи, толорооччу киэҥ эйгэтигэр тарҕатан, айар бөлөхтөрү өйүүр сыаллаах “Далбар Хотун ырыата” аһаҕас күрэс ырыаны кэрэхсиир кэрэ аҥардары түмтэ.
Күрэс икки түһүмэҕинэн ыытылынна:
- патриотическай хабааннаах ырыаны толоруу;
- көҥүл темаҕа дьүрүлэ суох толоруу.
Дьүүллүүр сүбэҕэ үлэлээтилэр - Дора Корякина, СӨ култууратын туйгуна, З.П.Винокуров аатынан Намнааҕы оҕо искусстватын оскуолатын директэри үөрэх чааһыгар солбуйааччы;
- Афанасий Татаринов СӨ култууратын туйгуна, СӨ уонна Нам улууһун “Туллук хаара” ырыа айааччыларын сойуустарын чилиэнэ, Нам улууһун баянистарын түмсүүтүн, “Добун” эр дьон ырыа ансаамбылын салайааччыта, мелодист, А.Ф. Шестаков аатынан УНАДь “Ньургуһун” үҥкүү-хор народнай коллективын концертмейстера;
- Дмитрий Барабанов, А.Ф. Шестаков аатынан УНАДь “Коробейники” нуучча ырыатын народнай ансаамбылын салайааччыта.
Бииртэн биир кэрэ куоластар саха сирин сайынын санаттылар, алаас ахтылҕанын туойдулар, ийэ сиргэ тапталы, олоххо дьулууру күүһүртүлэр.
Түмүккэ:
“Дебют года” анал аат — «Ыйдаҥа» ырыа ансаамбыла, сал. Мария Олесова (Нам улууһа, Никольскай нэһилиэгэ)
“Патриотическая песня” анал аат — «Суһум» ырыа ансаамбыла, сал. Надежда Аргунова (Нам улууһа, Таастаах нэһилиэгэ)
III истиэпэннээх дипломант — «Коробейники» нуучча ырыатын народнай ансаамбыла, сал. Дмитрий Барабанов (Нам улууһа, Нам сэлиэнньэтэ)
II истиэпэннээх дипломант — «Иэйии» ырыа ансаамбыла, сал. Татьяна Давыдова (Хаҥалас улууһа, Өктөм нэһилиэгэ)
I истиэпэннээх дипломант — «Отрада» ырыа ансаамбыла, сал.Григорий Ощепков (Жатай куората)
I истиэпэннээх лауреат — «Айыллаана» ырыа ансаамбыла, сал. Зинаида Никифорова (Таатта улууһа)
II истиэпэннээх лауреат — «Ырыа Кынат» ырыа ансаамбыла, сал. Дьол Сандаара Боотур Уус кыыһа (Дьокуускай куорат)
III истиэпэннээх лауреат — «Нарыйаана» ырыа ансаамбыла, сал.Елена Кутукова (Нам улууһа, Нам сэлиэнньэтэ)
“Дьүөгэлэр” ырыа народнай ансаамбылын анал бирииһэ — «Нарыйаана» ырыа ансаамбыла, сал.Елена Кутукова (Нам улууһа, Нам сэлиэнньэтэ)
Гран-При — «Сэгэйэ» ырыа ансаамбыла, сал. Надежда Теплоухова (Дьокуускай куорат).
“Далбар Хотун ырыата” аһаҕас күрэс бары кыттааччыларыгар, айар бөлөхтөр салайааччыларыгар, дьүүллүүр сүбэҕэ ис сүрэхтэн эҕэрдэ уонна ырыаны көҕүлээн, кэлэн кыттыыны ылбыккытыгар барҕа махтал буоллун! Айар үлэҕит аартыктара куруутун аһаҕас буоллуннар! Саҥа айымньылары, саҥа толоруулары, хас биирдии бэйэҕитигэр, дьиэ кэргэттэргитигэр этэҥҥэ буолууну, толору дьолу баҕарабыт!
Аныгыскыга көрсүөххэ диэри!
Об авторе
