Тохсунньу 1 күнүгэр, бүтүн норуотун, биир дойдулаахтарын туһугар бэриниилээхтик, эҥкилэ суох үлэлээбит бөдөҥ политическай уонна государственнай деятель, Саха сирин обкуомун бастакы секретара, киэн туттар биир дойдулаахпыт Илья Егорович Винокуров төрөөбүтэ 129 сыла.

Аҕа дойду сэриитин кэмигэр тыйыс дойдубутугар, ыар сылларга үгүс саханы өрүһүйбүт, үгүс оҕо дьону үйэлээбит, тыа хаһаайыстыбатыгар, үөрэҕирии, култуура,  доруобуйа  харыстабылыгар норуот олоҕун сайдыытыгар сүҥкэн үлэни ыыппыт салайааччы Илья Егорович ВИНОКУРОВ пааматынньыгар тыыннаах сибэкки дьөрбөтүн махтана, кэриэстии ууруу буолла.