Саха АССР култууратын үтүөлээх үлэһитэ, РСФСР норуотун үөрэҕириитин туйгуна, РФ суруналыыстарын сойууһун чилэнэ, республика суруналыыстарын «Кыһыл көмүс бөрүө», телерадио суруналыыстарын Сэбиэскэй Союз Геройа Н.А. Кондаков аатынан государственнай, поэт Н.М. Рыкунов аатынан улуус суруналыыстарын бириэмийэлэрин лауреата, Таастаах, Ленскэй нэһилиэктэрин, Нам улууһун Бочуоттаах олохтооҕо ИННОКЕНТИЙ ЗАХАРОВИЧ КРИВОШАПКИН бүгүн, муус устар 12 күнүгэр, үбүлүөйдээх төрөөбүт күнэ. Кини баара буоллар 90 сааһын туолуо этэ…
Сиһилии🔽🔽🔽
https://nammuzey.ru/?p=4491
Иннокентий Захарович эдэр сааһыгар, чинчийэр, үөрэтэр, салайар үлэтин таһынан, оччотооҕу кэмҥэ оройуоннааҕы култуура дьиэтин «Ньургуһун» үҥкүү-хор народнай коллективын үҥкүүһүтэ, ырыаһыта, оройуон киэн туттар ыччата этэ. Бу туһунан ахтыылар, хаартыскалар, араас фестивалларга кыайыылар грамоталара кэпсииллэр.
Балетмейстерынан ананан кэлбит Бурятияттан сылдьар Роза Борисовна Кирилловалыын толорбут үҥкүүлэринэн, хорга тэҥҥэ ыллаһан, бэйэтин саастыылаахтарын кулуупка түмэ тардан оройуон чиэһин көмүскээбитэ, тыа сирин ыччатын кэрэҕэ көҕүлүүргэ үтүө холобурун, сүҥкэн кылаатын киллэрсибитэ.
Бүгүн Иннокентий Захаровичпытын ахтан-санаан ааһыаҕын, кини туһунан «ДЬОҤҤО АНАММЫТ ОЛОХ» диэн киинэни бу сигэнэн https://rutube.ru/video/e467a54625afc65b84c321df3c940a95/ киирэн көрөргүтүн ыҥырабыт.
Об авторе
