Кулун тутар 21 күнүгэр А.Д.Макарова аатынан Дьокуускайдааҕы култуура уонна ускуустуба кэллиэһигэр «Алаас оҕолоро» VIII өрөспүүбүлүкэтээҕи оҕо аймах айар күрэҕэр саха төрүт үгэһин утумнааччылар — кэскиллээх талааннар түмүстүлэр.
Нам улууһуттан А.Ф.Шестаков аатынан Улуустааҕы норуот айымньытын Дьиэтин уус-уран тыл маастарыстыбатыгар уһуйааччы Вера Куличкина-Цыпандина үөрэтэр талааннаах оҕолоро ситиһиилээхтик кыттыннылар, дьүүллүүр сүбэ биһирэбилин ыллылар.
Элла Егорова норуот ырыатыгар II истиэпэннээх Лауреат;
Анжелика Сунтарова Олоҥхону толорууга I истиэпэннээх Лауреат;
Эвилья Шадрина олоҥхо, тойук көрүҥнэрин толорон I истиэпэннээх Лауреат;
Юра Мордовской Гран-при үрдүк сыанабылын туттулар.
Төрүт үгэһи утумнааччы кэскиллэрбитигэр уонна үөрэтэн-уһуйан, оҕолор талааннарын сайыннаран, чочуйан киэҥ түһүлгэҕэ кытыннаран, ситиһиилэргэ тиксэрбит биир идэлээхпитигэр Вера Прокопьевнаҕа эҕэрдэ!
Об авторе
