Олунньу 17-18 күннэригэр М.К.Аммосов аатынан култуура уонна духуобунай сайдыы дыбарыаһыгар Арассыыйа билимин академиятын Сибиирдээҕи салаатын Гуманитарнай чинчийии уонна хотугу аҕыйах ахсааннаах омуктар кыһалҕаларын институтун күннэрэ ыытылыннылар.
Нам улууһун инникилээх кэскилигэр дириҥ суолу-ииһи тэлэр баай историятын тула киэҥ ис хоһоонноох кэпсэтиигэ кыттыыны ыллылар:
— Юрий Иннокентьевич Слепцов “Нам улууһа” муниципальнай оройуон баһылыга;
— Сардана Ильинична Боякова, история билимин дуоктара, Арассыыйа билимин академиятын Сибиирдээҕи салаатын Гуманитарнай чинчийии уонна хотугу аҕыйах ахсааннаах омуктар кыһалҕаларын институтун салайааччыта;
— Пантелеймон Пантелеймонович Петров, устуоруйа билимин хандьыдаата.
— Илья Эдуардович Васильев, Георгий Прокопьевич Башарин аатынан Саха сирин билимин история түмэлин сэбиэдиссэйэ;
— Федор Николаевич Дьячковскай, тыл билимин хандьыдаата, саха тылын салаатын сүрүннүүр үлэһитэ;
— Саргылана Макаровна Баишева, экономика билимин хандьыдаата, этносоциология салаатын сүрүннүүр үлэһитэ;
— Петр Михайлович Егоров, политика билимин хандьыдаата, Арктиканы чинчийэр киин сүрүннүүр үлэһитэ;
— Александр Данилович Винокуров, устуоруйа билимин хандьыдаата, интеллектуальнай история уонна култуура киинин үлэһитэ;
— Владислав Владимирович Сыроватский, археология лабораториятын үлэһитэ;
— Святослав Игоревич Федоров, Арктиканы чинчийэр киин үлэһитэ, институт эдэр учонайдарын түмсүүтүн салайааччыта;
— Изабелла Васильевна Рожина, институт билим үлэтин тэрийэр салаа үлэһитэ;
— Елена Алексеевна Васильева, библиотекарь;
— Семен Прокопьевич Ядрихинскай, Нам улууһун култуура уонна духуобунас сайдыытын салалтатын начальнига;
— Александр Иванович Копырин, П.И.Сивцев аатынан Намнааҕы история уонна этнография түмэлин директора;
— Майя Романовна Софронова, Нам улууһун Кииннэммит библиотека ситимин директора;
Ону сэргэ, Нам улууһун дьаһалтатын салайааччылара, тыа сирин түөлбэлэрин баһылыктара, общественноһа, кыраайы үөрэтээччилэр, култуура, үөрэҕирии тэрилтэлэрин салайааччылара, үлэһиттэрэ, эдэр ыччат.
Тэрээһин биир дойдулаахпыт, биллиилээх судаарыстыбаннай, политическай деятель Илья Егорович Винокуров төрөөбүтэ 130 сылыгар уонна улууспут дириҥ историятын чинчийиитигэр ананар.
Нам улууһун дьаһалтатын кытта Арассыыйа билимин академиятын Сибиирдээҕи салаатын Гуманитарнай чинчийии уонна хотугу аҕыйах ахсааннаах омуктар кыһалҕаларын института Нам улууһун историятын чиҥэтэн үөрэтиигэ үлэ күүһүгэр киирэригэр икки өрүттээх сөбүлэҥҥэ илии баттастылар.
Икки өрүттээх сөбүлэҥ сүрүн соругунан Нам улууһун Судаарыстыбаннай деятеллэрин, биллэр учуонайдарын, суруйааччыларын, худуоһунньуктарын, искусства деятеллэрин, фольклористарын үтүө ааттарын үйэтитиигэ туһуламмыт этнографическай, археологическай экспедициялары тэрийэн ыытыыга, түмүллүбүт матырыйаалларынан кинигэ таһаарыыга, Нам улууһун култууратын тыыннаах үйэлээх баайын чинчийиигэ биир ситимнээхтик үлэлэһии буолар.
Икки күннээх көрсүһүү чэрчитинэн тэрээһин ыҥырыылаах ыалдьыттара И.С. Шарапов аатынан Никольскайдааҕы сири туһаныы түмэлин көрдүлэр-иһиттилэр.
Нам киинигэр Илья Егорович Винокуров өйдөбүнньүгэр сибэкки дьөрбөтүн ууран сүгүрүйдүлэр.
А.Ф.Шестаков аатынан Улуустааҕы норуот айымньытын Дьиэтин киэҥ уораҕайын кытта билиһиннэрэн директор Константин Иванович Колодезников ыалдьыттарга экскурсия тэрийдэ.
П.И. Сивцев аатынан Намнааҕы история уонна этнография түмэлигэр Г.П.Башарин аатынан Саха сирин билимин устуоруйатын түмэлин быыстапката арылынна, И.Д.Винокуров-Чаҕылҕан «Талыллыбыт айымньылар» III-с тома сүрэхтэннэ, Нам сиригэр археологияҕа ыытыллыбыт үлэлэр, инники көрүүлэр тула кэпсэтии буолла.
Намнааҕы кииннэммит библиотечнай ситимҥэ Илья Егорович Винокуров Саха Сирин сайдыытыгар кылаатын, Нам улууһун социальнай-культурнай сайдыытыгар гуманитарнай чинчийии оруолун, Нам улууһугар саха тылын туругун туһунан ырытыһыы, санаа атастаһыыта киэҥ сэҥээриини ылла.
И.С.Гаврильев аатынан Намнааҕы орто оскуолаҕа «Билим эйгэтигэр оҕолору сыһыарыы» семинар ыытылынна.
Аан улуус буолар Нам улууһун инникилээх аартыгын тэлэр кэскиллээх киэҥ кэпсэтиилээх күннэр таһаарыылаах, дириҥ ырытыылаах сүрүн соруктары тутуһан туран ситиһиилээхтик ыытылыннылар.
Об авторе
