«Күн оһуохайа» диэн оҕолорго аналлаах «Саха» НКИХ ханаалыгар ыытыллар бырайыак 2023 сылтан саҕаламмыта. Быйыл бырайыакка олунньу 5-14 күнүгэр диэри Дьокуускайга “Бэс чагда” доруобуйаны чэбдигирдэр кииҥҥэ, саха тылын декадатыгар сөп түбэһиннэрэн, улуустартан 10 кылаас үөрэнээччилэрин түмтүлэр.
Бырайыак сыалынан-соругунан саха төрүт тылын сайыннарыы уонна түөлбэ оһуохайын уратытын кэнчээри ыччакка билиһиннэрии, тириэрдии, үөрэтии буоларын бырайыак ааптардара чопчулаан этэллэр.
Нам улууһуттан, Нам 2№ орто оскуолатыттан Эвилья Шадрина кытта сылдьар, салайааччыта А.Ф.Шестаков аатынан Улуустааҕы норуот айымньытын Дьиэтин уус-уран тыл маастарыстыбатыгар уһуйааччы Вера Куличкина-Цыпандина.
Быйыл Татта, Амма, Кэбээйи, Мэҥэ-Хаҥалас, Сунтаар, Бүлүү, Үөһээ Бүлүү, Ньурба , Хаҥалас, Нам улуустарыттан 25 оҕо муһунна. Хас күн ахсын бырайыакка оҕолор түөлбэ үҥкүүтүн арааһын үөрэтэллэр, үҥкүү тылын идэтийбит этээччилэрин кытта атах тэпсэн олорон элбэҕи, саҥаны эбинэллэр. Биэс наставник (уһуйааччы) биэстии оҕону сэрибиэйинэн ылан дьарыктыы сылдьаллар. Биһиги кыыспыт Эвилья Прокпий Давыдович Федоров хамаандатыгар баар, бастакы түһүмэҕи ситиһиилээхтик ааста.
Онон “САХА” НКИХ «КҮН ОҺУОХАЙА» республикатааҕы оһуохай күрэҕэр кыргыттарбытыгар ситиһиилэри баҕарабыт!
Хас күн ахсын тахсар “САХА” НКИХ биэриилэрин көтүппэккэ көрөргүтүгэр ыҥырабыт!
Об авторе
