Олунньу 7 күнүгэр А.Ф.Шестаков аатынан Улуустааҕы норуот айымньытын Дьиэтигэр тохсунньу-олунньу ыйдарга практикаламмыт Аграфена Макарова аатынан Дьокуускайдааҕы култуура колледжын студеннара Василиса Атласова, Виктория Попова отчуоттуур кэнсиэрдэрэ үрдүк таһымҥа буолан ааста.
Кыттыыны ыллылар: «Ньургуһун» үҥкүү-хор народнай коллектива, «Айылҕан» ыччат үҥкүү ансаамбыла (салайааччы Мария Попова), «Оҕо саас», «Эрэкэ-дьэрэкэ», “Кыталыына” (салайааччы Павел Винокуров) үҥкүү ансаамбыллара, З.П.Винокуров аатынан Намнааҕы Оҕо искусстватын оскуолатын “Грация” үҥкүү ансаамбыла (салайааччы Саргылана Кудрина), И.Д.Винокуров-Чаҕылҕан аатынан Нам алын сүһүөх оскуолатын 3-с кылааһын үөрэнээччилэрэ, «Дьэргэлгэн» оҕо фольклорнай бөлөҕө (салайааччы Вера Куличкина-Цыпандина, З.П.Винокуров аатынан Намнааҕы оҕо искусствотын оскуолатын Хамаҕаттатааҕы филиалын фольклор кылааһа.
Ыйтан ордук кэмҥэ практиканы барбыт култуура идэтигэр уһуйуллар Василисалаах Виктория практикаларын салайааччыларын сүбэлэринэн, көмөлөрүнэн, тэрилтэбит үлэһиттэрин өйөбүллэринэн сиппит-туолбут айар киэһэлэрэ көрөөччү киэҥ биһирэбилин, кыттааччы дуоһуйуутун ылла.
Об авторе
