Олунньу ый киэҥ сэҥээриилээхтик саҕаланна. Ол курдук, биир идэлээхтэрбит араас тэрээһиннэргэ ыҥырыллан, көхтөөх кыттыыны ыллылар.
Улууска оскуолаҕа киириэх иннинээҕи уонна оскуола үөрэнээччилэрин «Кэрэни кэрэхсиир — Эҥсиэли кэскилэ» бэстибээлигэр А.Ф. Шестаков аатынан улуустааҕы норуот айымньытын Дьиэтин былаанныыр-тэрийэр методическай отдел сэбиэдиссэйэ Туяра Петрова, балетмейстер, «Оҕо саас», Эрэкэ-дьэрэкэ», «Кыталыына» үҥкүү коллективтарын салайааччыта Павел Винокуров дьүүллүүр сүбэҕэ сырыттылар. Үөрэх салалтатын начальнига Мария Игнатьеваттан Махтал сурук туттулар.
«САХА» национальнай көрдөрөр-иһитиннэрэр хампаанньата өрөспүүбүлүкэҕэ олунньутааҕы үгэс буолбут «Күн оһуохайа» бырайыагар наставник быһыытынан А.Ф. Шестаков аатынан улуустааҕы норуот айымньытын Дьиэтин уус-уран тыл маастарыстыбатыгар уһуйааччы, «Дьэргэлгэн», «Ай-Тыл» фольклорнай бөлөхтөр, «Эҥсиэли оһуохайа» түмсүү салайааччыта, СӨ Үтүөлээх оһуохай этээччитэ Вера Куличкина-Цыпандина кыттыыны ыла сылдьар. Хас күн ахсын бу бырайыак өрөспүүбүлүкэ бары муннуктарыгар көстүөҕэ. Биир идэлээхпитигэр уонна киниэхэ уһуйуллар кэнчээрилэрбитигэр ситиһиилэри баҕарабыт!
И.С. Гаврильев аатынан Нам №1 орто оскуолатыгар Билим күнүгэр аналлаах бастыҥ үөрэнээччилэри, олимпиадаларга, күрэстэргэ кыайыылаахтары чиэстиир үөрүүлээх тэрээһиҥҥэ улууспут киэн туттар ырыа айааччыларыттан биирдэстэрэ, СӨ култууратын туйгуна, А.Ф. Шестаков аатынан улуустааҕы норуот айымньытын Дьиэтин «Ньургуһун» үҥкүү-хор народнай коллективын концертмейстера, «Добун» эр дьон ансаамбылын салайааччыта Афанасий Татаринов ыҥырыылаах ыалдьыт буолан сырытта, көрөөччү-истээччи киэҥ биһирэбилин ылбыт «Биир сомоҕо» патриотическай ырыатын анаата.
Об авторе
