Күндү биир идэлээхпит, үйэ аҥаарыттан ордук кэмҥэ хормейстер идэтигэр бэриниилээхтик үлэлии сылдьар ССРС култууратын туйгуна, СӨ култууратын Үтүөлээх үлэһитэ, «Россия бастыҥ култуура үлэһитэ» РФ култуураҕа миниистирин бириэмийэтин, «Үлэ киһитэ» СӨ Ил Дарханын бириэмийэтин Лауреата, СӨ култууратын Бочуоттаах бэтэрээнэ, Таастаах, Партизан нэһилиэктэрин уонна Нам улууһун Ытык Киһитэ, самодеятельнай композитор, «Ньургуһун» народнай хору өр салайбыт, «Дьүөгэлэр» народнай, «Нарыйаана» вокальнай ансаабыллар салайааччыта Елена Александровна! Эйиэхэ күн сирин көрбүт бэлиэ күҥҥүнэн ис сүрэхтэн эҕэрдэ! Айымньылаах үлэҕэр үрдүк көрдөрүүлээх ситиһиилэригинэн, Нам улууһун, Саха сирин кэрэ эйгэтин сайдыытыгар дириҥ кылааккын киллэрсэн, эдэр көлүөнэҕэ идэҕэ бэриниилээх үтүө холобургунан биһиги киэн туттабыт уонна махтанабыт!
Баҕарабыт ыра санааҥ ыпсарыллан, баҕа санааҥ барҕаран, хас үүнэр күҥҥэ үөрэ мичээрэ, чэп-чэгиэн туруктаах сылдьаргар. Чугас дьонуҥ, бииргэ алтыһар аргыстарыҥ, тэҥҥэ айар-көҕүлүүр биир идэлээхтэриҥ тапталларынан, ытыктабылларынан дьоһун дьоллоох уһун үйэлээх олохтон!
Эҕэрдэни кытта бииргэ үлэлиир айар-тэрийэр коллективыҥ.
Об авторе
