Ахсынньы 6 күнүгэр А.Ф. Шестаков аатынан Улуустааҕы норуот айымньытын Дьиэтигэр Коммунистическай партия, үлэ, тыыл ветерана, ССРС социалистическай учуотун туйгуна, РСФСР үтүөлээх экономиһа, Саха АССР норуотун хаһаайыстыбатын үтүөлээх үлэһитэ, Нам улууһун Ытык киһитэ, Нам улууһун бастакы кыраайы үөрэтээччитэ, Саха сирин олохтоохторугар омуктар алтыһыыларын, Нам улууһун сиригэр-уотугар бастакы нуучча казактара кэлиилэрин историятын суруйан хаалларбыт улахан үтүөлээх Терентий Иванович Замятин төрөөбүтэ 100 сылыгар аналлаах ХОЧОМ ДЬОНУГАР АНЫЫБЫН үөрүүлээх общественность мунньаҕа буолан ааста.
Терентий Иванович олоҕун, айар үлэтин оҕолоро, дьоно-сэргэтэ үйэтитэллэр. Өссө даҕаны күн сирин көрбөтөх суруйуулар сааһыланан, тигиллэн сыталлара биллэр. Билигин Терентий Иванович үлэлэрэ нэһилиэктэр, ону сэргэ кэнники кэҥэтиллэн тахсыбыт кинигэлэр тахсыыларыгар туһаныллалларынан ураты суолталаахтар.
Тэрээһин «Ньургуһун» үҥкүү-хор народнай коллективын (хормейстер Сардана Харитонова, концертмейстер Афанасий Татаринов) толоруутугар Терентий Замятин тылларыгар «Эҥсиэли хочото – Нам сирэ» ырыатынан саҕаланна.
Бэлиэ күҥҥэ кыттыыны ыллылар:
СӨ Государственнай Мунньаҕын (Ил Түмэн) бэрэссэдээтэлэ Алексей Еремеев
СӨ култуура уонна духуобунай сайдыы миниистирэ Афанасий Ноев
СӨ ИДьМ полковнига, 2002 сыллаахха РФ государственнай сүбэһитэ, Дьокуускай уокуруктааҕы казахтар уопсастыбаларын правлениетын чилиэнэ, СР бочуоттаах старейшината, Никольскай нэһилиэгиттэн төрүттээх Владимир Молчанов
РФ Государственнай статистикатын сулууспатын Саха өрөспүүбүлүкэтинээҕи сирдээҕи уорганын салайааччытын солбуйааччы Марта Керемясова
«Нам улууһа» муниципальнай оройуон баһылыга Юрий Иннокентьевич Слепцов республикаҕа бастакынан ахсынньы 6 күнүн Нам улууһугар Кыраайы үөрэтээччи күнүнэн биллэрдэ.
СӨ Наукаларын Академиятын маамаҥҥа майгынныыр фаунаны үөрэтии отделын инженер-чинчийээччитэ Иннокентий Павлов
Россия наукаларын Академиятын Сибиирдээҕи салаатын Хотугу дойду аҕыйах ахсааннаах омуктарын кыһалҕаларын уонна гуманитарнай чинчийии Институтун научнай сотруднига Владислав Владимирович Сыроватскай
«Нам» совхозка 1975 сылларга Т.И. Замятинныын статистическай салалататыгар бииргэ үлэлээбит коллегата Люция Ивановна Никифорова
ССРС култууратын туйгуна, СӨ култууратын Үтүөлээх үлэһитэ, СӨ суруйааччыларын сойууһун, «Туллук хаара, «Отуу уота» түмсүүлэр чилиэнэ, үлэ уонна тыыл бэтэрээнэ Иван Афанасьевич Бубякин
Никольскай нэһилиэгин баһылыга Уйгу Сайаан Айхан уола
Ленскэй нэһилиэгин депутаттарын сэбиэтин бэрэссэдээтэлэ Егор Охлопков
Нам улууһун култуураҕа уонна духуобунай сайдыыга салалтатын начальнига Семен Ядрихинскай, улуус бэтэрээннэрин сэбиэтин бэрэссэдээтэлэ Софья Кобякова, СӨ култууратын туйгуна, М.К. Аммосов аатынан СӨ Судаарыстыбаннаһын историятын түмэлин сэбиэдиссэйэ, СӨ историктарын, кыраайы үөрэтээччилэрин түмсүүтүн Президиумун чилиэнэ, РФ сурналыыстарын сойууһун чилиэнэ Александр Кириллин, П.И. Сивцев аатынан Намнааҕы история уонна этнография түмэлин директора Александр Копырин, «Саха» НКИХ ыытааччыта Георгий Белоусов
«Отуу уота» литературнай түмсүү чилиэттэрэ
Терентий Ивановичтыын статистика салалтатыгар бииргэ үлэлээбит дьоно, оҕолоро, сиэннэрэ, аймахтара
оскуола үөрэнээччилэрэ
Намнааҕы народнай театр (режиссер Роман Герасимов) «Күндүл» литературнай-театральнай бөлөҕө — И.С.Гаврильев аатынан Намнааҕы 1№ орто оскуолатын үөрэнээччилэрэ
СӨ култууратын туйгуна, «Туллук хаара» Нам улууһун ырыа айааччыларын түмсүүтүн чилиэнэ, Хамаҕатта нэһилиэгин «Түһүлгэ» норуот айымньытын Киинин уус-уран салайааччыта Татьяна Гаврильева.
Тэрээһини Александр Кириллин иилээн-саҕалаан ыытта.
Терентий Иванович Замятин төрөппүт уола, СӨ култууратын туйгуна, Нам улууһун, Ленскэй нэһилиэк, Хатыҥ-Арыы нэһилиэктэрин Ытык киһитэ, «Туллук хаара» Нам улууһун ырыа айааччыларын түмсүүтүн салайааччыта Андрей Терентьевич Замятин бу дириҥ суолталаах бэлиэ күнү тэрийбит, киэргэппит А.Ф. Шестаков аатынан Улуустааҕы норуот айымньытын Дьиэтин коллективыгар (директор Константин Колодезников), чуолаан методическай отдел сэбиэдиссэйигэр Туяра Петроваҕа, Намнааҕы Киин бибилиотека, П.И.Сивцев аатынан Намнааҕы история уонна этнография түмэлин коллективтарыгар, «Отуу уота» түмсүүгэ, тэрээһин үрдүк таһымҥа ыытылларыгар үлэлэспит дьонноругар барҕа махталын тиэрдэр.
Нам улууһун сайдыытыгар, баай историятын үөрэтиигэ, үйэтитиигэ дьоһун кылаатын киллэрбит ытык киһибит Терентий Иванович Замятин үйэлээх үлэлэрэ умнуллубаттар, үүнэр көлүөнэҕэ тиэрдиллэн, салҕаналлар.
