Сэтинньи 25 күнүгэр Былатыан Ойуунускай аатынан Саха театрыгар Олоҥхо декадатын арыллыыта буолла. Бу күн олоҥхо эйгэтигэр 2025 сыл бастыҥнар ааттара ааттанна.
«Бастыҥ олоҥхону толорооччу» Саха Республикатын национальнай олоҥхо комитетын бириэмийэтинэн А.Ф. Шестаков аатынан Улуустааҕы норуот айымньытын Дьиэтин уран тыл маастарыстыбатын специлалиһа, Нам улууһугар олоҥхо сайдыытыгар үлэлиир-хамныыр, оҕолору уһуйар Вера Куличкина-Цыпандина наҕараадаланна.
СӨ Бырабыыталыстыбатын председателын солбуйааччы Сергей Местников «Бастыҥ Олоҥхоҕо уһуйааччы» бириэмийэни Бартыһаан нэһилиэгин уһуйаанын иитээччитигэр Саргылана Мордосоваҕа туттарда.
СӨ Культураҕа уонна духуобунай сайдыы министирэ Афанасий Ноев оҕолорго «Бастыҥ олоҥхо толорооччу» бириэмийэни Н.С. Охлопков аатына Улуустааҕы гимназия 7-с кылааһын үөрэнээччитигэр Юра Мордовскойга туттарда. Салайааччыта Вера Куличкина-Цыпандина.
Юра Өрөспүүбүлүкэ ааттаах Бастыҥ олоҥхоһуттарын кытта олорон 35 мунуутэ олонхолоон дьон биһирэбилин ылыан ылла.
А.Ф. Шестаков аатынан Улуустааҕы норуот айымньытын Дьиэтэ биир идэлээҕэр Вера Прокопьевнаҕа, кэскиллээх ыччаппытыгар Юра Мордовскойга төлөннөөх эҕэрдэтин тиэрдэр!
