Оһуокай алгыстаах үҥкүүтүн киһиэхэ оҕо эрдэҕиттэн иҥэрэн, угуйан, уһуйан саха норуотун быһыытынан көлүөнэттэн көлүөнэҕэ сайдан кэлэр суолбутун тускуллааһын буолар.
Сэтинньи 24 күнүгэр А.Ф. Шестаков аатынан Улуустааҕы норуот айымньытын Дьиэтэ, П.П. Ядрихинскай-Бэдьээлэ аатынан Олоҥхо Дьиэтэ, Нам улууһун «Эҥсиэли оһуохайа» түмсүү тэрийиилэринэн оһуохайы сөргүтэр, эдэр оһуохай этээччилэри өйүүр, дьоҥҥо-сэргэҕэ билиһиннэрэр, сайдыыга тирэх буолар, көҕүлүүр соруктаах оҕолорго аналлаах «Оһуокайдаан ойуохха, эһиэкэйдээн тэйиэххэ» улуустааҕы күрэс икки бөлөҕүнэн ыытылынна.
Икки бөлөҕүнэн ыытыллыбыт күрэскэ сүрүн ирдэбиллэринэн сүрүннээн оһуохай этээччи тута хоһуйуута, хомоҕойо, түһүлгэни тутуута сыаналанна.
7 — 12саастаах оҕолорго
1 үрдэл — Тимофеева Сардаана 8 саастаах, (Нам) сал. Елена Маркова;
2 үрдэл — Захарова София 9 саастаах, (Нам) сал. Елена Маркова;
3 үрдэл — Ядрихинская Туймаада, 10 саастаах, (Нам) сал. Елена Маркова;
«Бастыҥ кыначчыт» анал аат Егорова Элла, Сидорова Алина буоллулар.
12 — 17с оҕолорго
1 үрдэл — Федорова Анжелина (Түбэ)
2 үрдэл — Шадрина Эвилья «Түөлбэ» оҕо киинэ (Нам) сал. Тамара Уваровская, Вера Куличкина-Цыпандина;
Дьүүллүүр сүбэҕэ үлэлээтилэр СӨ үтүөлээх оһуохайга кыначчыта, Искра нэһилиэгин Бочуоттаах олохтооҕо Мария Михайловна Бястинова, СӨ оһуохайга чулуу кыначчыта Нина Иннокентьевна Хордогосова.
«А.Ф.Шестаков аат. Улуустааҕы норуот айымньытын Дьиэтин» фольклор исписэлииһэ Мария Степановна Григорьева.
Тэрийээччилэр бары кыттааччыларга, салайааччыларыгар, спонсорга — «Эҥсиэли оһуохайа» түмсүүтүгэр махталларын тиэрдэллэр. Кэлэн кыттыбыт оҕолорбутугар, салайааччыларга, маннык көхтөөх, өрүү инники диэкки дьулуурдаах буолуҥ диэн алгыс бастыҥын аныыбыт.
