Алтынньы 18 күнүгэр Нам киинигэр айар үлэ 69 кэрдииһин дьоро киэһэтэ көрөөччү дохсун ытыс тыаһынан арылынна.
Кыттыыны ыллылар: «Дьэргэлгэн» оҕо, «Сарыада» улахан дьон фольклорнай, «Эрэкэ-дьэрэкэ», «Оҕо саас», «Айылҕан», «Ньургуһун», «Кыталыына», «Ситим» үҥкүү, «Коробейники», «Дьүөгэлэр», «Нарыйаана», «Энсиэли» ырыа, эстраднай миниатюра коллективтара, айар куттаах эдэр кэскиллээх ыччаттар Святослав Барабанов, Талбан Парников уонна А.Ф. Шестаков аатынан Улуустааҕы норуот айымньытын Дьиэтин бары үлэһиттэрэ.
Үөрүүлээх быһыыга майгыга СӨ култууратын туйгунугар, «Коробейники» нуучча ырыатын народнай ансаамбылын төрүттээччитигэр, култуура ветерааныгар Ольга Афанасьевна Новгородоваҕа «Нам улууһун Ытык киһитэ» бэлиэ туттарылынна.
Быйылгы сылга саҥа кэлбит үлэһит, «Ньургуһун» народнай хор хормейстера Сардана Харитонова тэрийбит «Энсиэли» ырыа ансаамбыла сүрэхтэннэ.
