Бу өрөбүлгэ, алтынньы 5 күнүгэр, «Саха» НКИК ыытар «Тыый!» чабырҕахсыттар күрэҕэр Нам улууһуттан Вера Куличкина-Цыпандина кыттыыны ылла.
Вера Куличкина-Цыпандина – А.Ф. Шестаков аатынан улуустааҕы норуот айымньытын дьиэтин Уус-уран тыл маастырстыбатыгар уһуйар куруһуок салайааччыта, З.П. Винокуров аатынан Намнааҕы оҕо искусствотын оскуолатын фольклор кылааһын уһуйааччыта, «Олоҥхо-баттл» телевизионнай күрэс финалиһа уонна «Күн Оһуохайа» телевизионнай күрэс наставнига.
«Тыый» чабырҕахсыттар күрэхтэригэр Чурапчыттан, Тааттаттан, Горнайтан уонна Намтан кэлбит түөрт холонооччу кытынна. Дьүүллүүр сүбэ толоруу маастарыстыбатын сыаналааһынынан уонна биир кыттааччыны быһа эфиргэ көрөөччүлэр куоластааһыннарынан көрөн финалга таһаарда.
Вера Прокопьевнаны бу күрэххэ бастакы холонуутунан эҕэрдэлээн туран инниктин даҕаны чабырҕах көрүҥэр ситиһиилэри баҕарабыт!
