Балаҕан ыйын 25 күнүгэр, Саха Өрөспүүбүлүкэтин Судаарыстыбаннаһын көрсө, Т.К.Ядрихинская аатынан Нам улууһун Социальнай-геронтологиечскай Кииҥҥэ кырдьаҕас уонна доруобуйаларынан хааччахтаах дьоҥҥо аналлаах ийэ тыл сүмэһиннээх саха төрүт үгэһин тэрээһинэ ыытылынна. «Энсиэли оһуохайа» улуус оһуохайдьыттарын түмсүүттэн үөрүүлээх күнүнэн Татьяна Ивановна Евсеева оһуохайы таһааран түөлбэлии хаамтарда. Владимир Куличкин-Цыпандин  эҕэрдэлээн ырыа-тойук бэлэхтээтэ.

Түмсүү салайааччыта, А.Ф. Шестаков аатынан Улуустааҕы норуот айымньытын Дьиэтин специалиһа Вера Куличкина-Цыпандина олоҥхолоон, оһуохай таһааран Киин олохтоохторун сэргэхситтэ. Олохтоохтор бэйэлэрин кыахтарынан  Мария Васильевна салайааччылаах «Оллоон» фольклорнай бөлөхтөрө олоҥхоттон быһа тардыыларын иһитиннэрдилэр. 

Олохтун бүтүннүү үлэҕэ анаабыт ытык кырдьаҕастар тэрээһиҥҥэ кэлбит ыалдьыттарыгар кэлэн сэргэхсиппиттэригэр ис сүрэхтэн үөрэ махтаннылар уонна инникитин оһуохайга, олоҥхоҕо, норуот ырыаларыгар дьарыктанарга баҕа санааларын эттилэр, күүтэллэрин биллэрдилэр.