Бүгүн, от ыйын 17 күнүгэр, Аан дойдутааҕы, Бүтүн Арассыыйатааҕы, Саха сиринээҕи таһымнаах күрэстэргэ, тэрээһиннэргэ көхтөөхтүк уонна ситиһиилээхтик кыттыбыт талааннаах Нам олохтоохторугар үөрүүлээх күн буолла.
Төрөөбүт дойдуну, Намы ааттатан, кыайыы-хотуу көтөҕүүлээх кэлбиттэри улуус баһылыга Юрий Слепцов уонна социальнай үлэҕэ солбуйааччыта Вячеслав Дьяконов, култуура салалтатын салайааччыта Семен Ядрихинскай эҕэрдэлээтилэр, махтал сурук, бэлэх туттардылар.
А.Ф.Шестаков аатынан Улуустааҕы норуот айымньытын Дьиэтин үлэһиттэрэ, айар коллективтара сыл устата Нам улууһун үтүө аатын аттатан, үрдүк ситиһиилэри аҕаллылар:
«Ньургуһун» үҥкүү-хор народнай коллектива (хормейстер Елена Кутукова, балетмейстер Мария Попова, концертмейстер Афанасий Татаринов), Намнааҕы народнай театр коллектива (салайааччы-режиссер Роман Герасимов) уонна театр иһинэн үлэлиир бөлөхтөр (туруорааччы-режиссер Иван Новиков), «Дьүөгэлэр» ырыа народнай ансаамбыла (сал. Елена Кутукова), «Коробейники» нуучча ырыатын народнай ансаамбыла (сал. Дмитрий Барабанов), «Намылы», «Сарыада», «Талбаана» фольклорнай ансаамбыллар, «Нам кылыһах» төрүт дорҕоон бөлөҕө (сал. Мария Григорьева-Маайа), «Айылҕан» үҥкүү ансаамбыла (сал. Мария Попова), «Эрэкэ-дьэрэкэ», «Оҕо саас», «Кыталыына» үҥкүү ансаамбыллара (сал. Павел Винокуров), «Ай-тыл» фольклорнай коллектив (сал. Вера Куличкина-Цыпандина), биирдиилээн кыттааччылар Надежда Лукинова, Руслан Захаров (сал. Мария Григорьева-Маайа), Владимир Осипов, Ирина Винокурова, Анжелика Сунтарова, Юра Мордовской (сал. Вера Куличкина-Цыпандина), Святослав Барабанов (сал. Дмитрий Барабанов) уонна А.Ф. Шестаков аатынан Улуустааҕы норуот айымньытын Дьиэтин директора Константин Колодезников, тыл маастарыстыбатыгар уһуйаачы-специалист Вера Куличкина-Цыпандина улуус дьаһалтатын, култуура салалтатын ааттарыттан махтал суруктары, анал сертификаттары туттулар.
А.Ф.Шестаков аатынан Улуустааҕы норуот айымньытын дьиэтин үлэһиттэригэр, айар бөлөхтөрүгэр ис сүрэхтэн эҕэрдэбитин тиэрдэбит, инникитин даҕаны таһаарыылаах үлэни, ситиһиилэри баҕарабыт!
