От ыйын 4-5 күннэригэр 18-с төгүлүн Олоҥхо ыһыаҕа Нерюнгри куорат Таастаах диэн Ытык сиригэр үрдүк таһымҥа ыытылынна.
Нам улууһуттан 50 киһилээх делегацияны улуус баһылыгын солбуйааччы Егор Протопопов уонна улуус депутаттарын сэбиэтин бэрэссэдээтэлэ Алексей Винокуров салайан илдьэ сырыттылар.
Намтан олоҥхону идэтийэн толорооччулар ситиһиилээхтик кытыннылар:
«Олоҥхо оспот омоон суолларынан» олоҥхону толорууга: ыччакка Яна Нюргусова СР Правительствотын Председателин солбуйааччы Сергей Местников анал бириэмийэтин – 50 тыһ. солк. тутта.
— 7-17 саастаахтарга: Анжелика Сунтарова (салайааччы Вера Куличкина-Цыпандина) – «Дьоһун толорооччу» анал аат;
Дамир Тимофеев (салайааччы Елена Маркова) — «Умсугутуулаах толорооччу);
ыччакка: Владислав Барамыгин – «Хомоҕой тыллаах толорооччу» анал аат, Нюргустана Лебедева (салайааччы Вера Куличкина-Цыпандина) – Ульяна Флегонтова анал бирииһэ;
— 36-50 саастарыгар диэри: Ирина Винокурова (салайааччы Вера Куличкина-Цыпандина) – «Удьуор утумун салҕааччы», Елена Руфова – «Хомоҕой тыллаах олоҥхоһут» уонна Елена Маркова – «Тэтимнээх олоҥхоһут» анал ааттарга тигистилэр.
Бөлөҕүнэн толорууга: «Ай-Тыл» бөлөх (салайааччы Вера Куличкина-Цыпандина) «Олоҥхо ырыатын дэгэтэ» номинация туттулар. Бу бөлөх толоруутун СР Правительствотын Председателин солбуйааччы Сергей Местников уонна «Саха» НКИК генеральнай директора Олег Марков бэйэлэрэ истэн олус сэҥээрдилэр, махтал тылларын эттилэр.
«Куйаар кутуллар дорҕооно» кырыымпанан ырыаны толорууга – Руслан Захаров II ст. диплом ылан, 30 тыһ. солк. наҕараадаланна.
«Тыл оноҕос кэриэтэ сытыы, бэргэн» чабырҕахсыттар күрэстэригэр Партизантан «Сайбай» фольклорнай бөлөх (салайааччы Альбина Алексеева) – «Түөлбэ чабырҕах» анал аат.
«Хомус хомуһун дорҕоонноро» хомусчуттар күрэстэригэр: Сахаайа Колодезникова III ст. дипломант, Алгыс Павлов «Хомоҕой хомус» уонна Геннадий Игнатьев «Хомус иэйэр тойуга» анал ааты ыллылар.
«Аламай күн алыптаах үкҥүүтэ» оһуохайдьыттар күрэстэригэр: Владимир Осипов «Хомоҕой хоһоонноох» уонна Ирина Николаева «Кылыһахтаах этээччи» анал ааты ыллылар. Хас биирдии анал аат ылбыт кыттааччы 5000 солк. наҕараадаланна.
«Киристэпиэл кэрэхсэлэ» дэгэрэҥ ырыаны толорууга Владимир Осипов III ст. диплом ылан, 10 тыһ. солк. наҕараадаланна.
«Иис-уус дьарыга – үйэлэр кистэлэҥнэрэ» — Иннокентий Колесов «Ювелирное искусство» II ст. диплом, 20 тыһ. солк. наҕараадаланна.
Кожа тириини, түүнү таҥастааһыҥҥа Анна Слепцова III ст. диплом ылан, 10 тыһ. солк. тутта.
Олоҥхо ыһыаҕын спорт күрэхтэригэр хапсаҕайга 75 киилэттэн үөһэ ыйааһыҥҥа Эдуард Максимов уонна оҕунан ытыыга Нюргустан Жирков муҥутуур кыайыылааҕынан тахсаннар, биирдии бэйэлэрэ 100 тыһ. солк. наҕараадаланнылар.
Бу курдук, Нам улууһун кыттааччылара ситиһии көтөллөөх ытык Нерюнгри сириттэн үөрэн-көтөн айаннаан кэллилэр. Анал аакка тиксибит, миэстэлэспит биир дойдулаахтарбытыгар истиҥ эҕэрдэбитин тиэрдэбит! Инникитин даҕаны Саха омук Улуу Олоҥхотун норуокка тарҕата, үүнэр көлүөнэни көҕүлүүр туруҥ!
Улуус пресс-кииниттэн Анна Созонова сонуннарыттан.
