Нам улууһа бэс ыйын 28-29 күннэригэр Улуу Кыайыы 80 сылыгар, норуот тапталлаах ырыаһыта, үҥкүүһүтэ, тойуксута, оһуохайдьыта Сергей Зверев-Кыыл Уола төрөөбүтэ 125 сылыгар анаммыт Туймаада ыһыаҕар ситиһиилээхтик кытыннылар.
«Ытык оһуокай» өрөспүүбүлүкэҕэ оһуокай этээччилэрин күрэһэр 1 миэстэни Нам улууһун Нам нэһилиэгин олохтооҕо Семен Алексеев ылан 150 000 солкуобайдаах сертификатынан наҕараадаланна.
Салгыы анал ааттары ыллылар:
«Сатабыллаах толоруу» номинация Петр Федотов ,
Дьахталларга «Чөллөркөй көмүрүө куолас» номинация Партизан нэһилиэгиттэн Мария Аргунова, «Түһүлгэни тутааччы» номинация — Нам нэһилиэгиттэн Вера Куличкина-Цыпандина ыллылар.
Эр дьоҥҥо «Чөллөркөй көмүрүө куолас» номинация Нам нэһилиэгиттэн Владимир Осиповка, «Түһүлгэни тутааччы» номинация — Түбэ нэһилиэгиттэн Аксалон Егоровка ананна.
«Өссө да тылгыт-өскүт чочулла, истээччи-сэргээччи дьоҥҥут дьоһуннаах кэккэлэрэ хаҥыы турдун» — диэн Саха сирин Оһуокай түмсүүтүн салайааччыта Александр Данилов-Дьулуур Хаан анал ааттар кыайыылаахтарыгар 5000-10000 солкуобайдаах «Киэргэ» ХЭТ сертификаттарын туттарда.
