Икки күннээх Туймаада хочотун килбэйэр киинигэр, «Үс хатыҥ» түһүлгэтигэр дуораһыйар тойук, чабырҕах, дьүрүскэн куолас, оһуохай күөн күрэстэригэр Нам улууһуттан талааннаах дьоммут кыттан үөрүү өрөгөйүн ыллылар. 

 

Ол курдук, «Чоргуй, чобуо чабырҕах» күрэскэ Хамаҕатта нэһилиэгиттэн «Түһүлгэ» фольклор бөлөҕө «Гран — при», салайааччы Оксана Кудрина.

«Дуорай кылыһахтаах тойугум» күрэскэ Партизан нэһилиэгиттэн Мария Аргунова 3 истиэпэннээх дипломан аатын сүктэ, Хомустаах 1 нэһилиэгиттэн Ирина Николаева «Гран — При» кыайыылааҕа буолла.

 

 

«Дьүрүскэн куолас» норуот ырыатын күрэһигэр «Түһүлгэ» фольклор бөлөҕө 2 истиэпэннээх дипломан, сал. Оксана Кудрина.

«Сарыада» фольклор бөлөҕө Нам нэһилиэгэ, «Бастыҥ ырыа» анал аат, сал. Мария Григорьева — Маайа, «Дьүрүл» фольклор бөлөҕө, Партизан нэһилиэгэ, «Мааны куолас» анал ааты ыллылар.