Нам улууһугар чэгиэн олоҕу көҕүлээччилэртэн биирдэстэрэ, А.Ф. Шестаков аатынан Улуустааҕы норуот айымньытын Дьиэтин балетмейстера, «Ньургуһун» үҥкүү-хор народнай коллективын солиһа, «Эрэкэ-дьэрэкэ», «Оҕо саас», «Кыталыына» үҥкүү ансаамбылларын салайааччыта Павел Винокуров ыам ыйын 26 күнүттэн нэдиэлэ үс күнүгэр сарсыардааҥы эти-сиини чэбдигирдэр дьарыгы саҕалаата.

Бэлиэтээн эттэххэ, Павел Архипович бу проега номнуо үһүс сылын үлэлиир: «Сарсыарда 5-6 чаастан саҕалаан, стадиоҥҥа сүүрэ сылдьан көрдөхпүнэ, сибиэһэй салгыҥҥа дьарыктанар киһи күн ахсын элбээн иһэр. Ол иһин 2023 сыл ыам ыйыттан сааһыттан хааччаҕа суох баҕалаахтары М.К. Аммосов аатынан Киин болуоссат Набережнайыгар дьарыктаан саҕалаабытым. Сыл ахсын кыттааччы үксээн иһэрэ үөрдэр.»