Ыам ыйын 24 күнүгэр, Нам киинин М.К.Аммосов аатынан болуоссакка, үгэс буолбут тыа хаһаайыстыбатын бородууксуйатын уонна табаарын атыы — эргиэн дьаарбаҥката ыытылынна.
Быйылгы дьаарбаҥка Улуу Кыайыы 80 сылыгар ананна.
Бааһынай хаһаайыстыбалар, производственнай кооперативтар, тэрилтэлэр, урбааньыттар, улуус нэһилиэктэрэ, кэтэх хаһаайыстыбалаах ыаллар көхтөөх кыттыыны ылан бэйэлэрин бородууксуйаларын атыыга таһаардылар.
Бу күн Саха сиригэр Сайылык күнэ уонна саха төрүт үҥкүүтэ — Оһуохай күнэ бэлиэтэннэ.
