Муус устар 11 күнүгэр М.К. Аммосов аатынан ХИФУ «Сэргэлээх уоттара» култуурнай киинигэр Нам улууһун күннэрин түмүктүүр улахан бырааһынньыктааҕы кэнсиэр буолан ааста. Сааланы толору кэлбит Дьокуускай олохтоохторун уонна ыалдьыттарын иннигэр «Ыалдьытымсах Нам сирэ!» ырыанан улууспут историятыгар, Аҕа дойду сэриитигэр Улуу Кыайыы 80 сылыгар анаммыт Эҥсиэли хочото айар киэһэтин аартыга арылынна.
«Нам улууһа» муниципальнай оройуон баһылыга Юрий Иннокентьевич Слепцов СӨ култууратын Үтүөлээх үлэһитигэр, Нам улууһун Ытык киһитигэр, 2017 сыллаахтан Нам улууһун түмсүүтүн бэрэссэдээтэлэ буолан салайабыт Гаврил Гаврильевич Местниковка алтантан оҥоһуллубут түөскэ кэтиллэр харысхал-бэлиэ уонна бэрэссэдээтэл солбуйааччытыгар, ССРС култууратын туйгунугар, СӨ норуотун хаһаайыстыбатын Үтүөлээх үлэһитигэр, «Гражданскай килбиэн» бэлиэ хаһаайыныгар, Нам улууһун Ытык киһитигэр Мария Николаевна Габышеваҕа улууспут уран тарбахтаахтара тикпит ыаҕайаларын уонна олбохторун өр сыл таһаарыылаахтык үлэлээбиттэригэр махтанан туран бэлэхтээтэ. Гаврил Гаврильевич «Нам түмсүү» болномуочуйын саҥа талыллыбыт бэрэссэдээтэлгэ Николай Анатольевич Соловьевка үөрүүлээх быһыыга-майгыга туттарда.
СӨ Ил Түмэн Судаарыстыбаннай мунньах бэрэссэдээтэлэ Алексей Ильич Еремеев үөрүүлээх күнүнэн эҕэрдэлээтэ.
СӨ тас сибээскэ уонна норуоттар дьыалаларыгар миниистирэ, Нам улууһун куратора Гаврил Витальевич Кириллин, Арассыыйа Федерациятын Президенигэр Саха Өрөспүүбүлүкэтин сис бэрэстэбиитэлэ Андрей Сандаминович Федотов, Тверскэй уобалас Ржевскай муниципальнай уокуругун «Победа» тыа сирин түөлбэтин МТ баһылыга Евгений Леонидович Тарасевич, Российскай Федерация геройа, биир дойдулаахпыт Александр Гаврильевич Колесов, Ленинград блокадатын кыттыыллааҕа, Саха сирин доруобуйа харыстабылын ветерана, Нам улууһун уонна Хамаҕатта нэһилиэгин Ытык киһитэ Эльви Давыдовна Ушницкая видеонан эҕэрдэлэрэ көрөдөрүлүннэ.
Быйылгы Нам улууһун айар киэһэтигэр Владивосток куоракка Узбекистан Өрөспүүбүлүкэтин консула Юсуп Артыкбаевич Кабулжанов кэргэнинээн Лобар Алишеровналыын мааны ыалдьыт буоллулар.
Сырдык ыра санаалаах, саргы-быйаҥ аргыстаах, кэрэ бэлэх кэһиилээх эҕэрдэ киэһэни ураты күүстээх куоластарынан Саха Өрөспүүбүлүкэтин норуодунай артыыстара, Анегина Дьяконова, Александр Емельянов, ылбаҕай ырыаларынан Саргылана Пономарева уонна Юрий Иванов, Дмитрий Барабанов, Елена Ильина, Кэскил Баишев, Кирилл Матвеев, Роман Николаев, Барылан Бахсы Күн Уола, Туяра Олесова, Анна Нестерева, дьүрүскэн хомуһунан Сахаайа Колодезникова, «Ньургуһун» үҥкүү-хор народнай уонна И.Е. Винокуров аатынан Намнааҕы педколледж студеннарын «Айылҕан» (сал. Мария Попова), А.Н.Окоемов аатынан «Мичээр» народнай (сал. Константин Борисов), «Ретро-Данс» народнай (сал. Любовь Андросова), «Оһуор» (сал. Варвара Иванова), Арбын орто оскуолатын үөрэнээччилэрин үҥкүү коллективтара, «Дьүөгэлэр» (сал. Елена Кутукова), «Коробейники» народнай (сал. Дмитрий Барабанов), «Кытыл кыыма» (сал. Надежда Макарова, концертмейстер Сардаана Захарова), «Ай Ыллаа» (сал. Ирина Винокурова), «Добун» (сал. Афанасий Татаринов), «Дуорай» (Ариан Васильев), «Махсыым уолаттара» (сал. Иннокентий Татаринов) ырыа ансаамбыллара киэргэттилэр. Ону сэргэ, П.П.Ядрихинскай-Бэдьээлэ аатынан Олоҥхо дьиэтин «Күөрэгэй» мода-театра (сал. Римма Татаринова) дизайнер Мария Федосеева — Күн Маайа «Уран кутум тойуга» коллекцията көрөөччү киэҥ сэҥээриитин ыллылар.
Нам улууһа тэриллибитэ 95, Улуу Кыайыы 80 сылыгар аналлаах «Сайдар -үүнэр Нам сирэ!» бырааһынньыктааҕы кэнсиэр «Махсыым уолаттара» ырыа ансаамбыла «Сахалар аар-саарга аатырыах» диэн эрчимнээх толорууларынан түмүктэннэ.
Тэрээһиҥҥэ Нам улууһун, анал байыаннай дьайыы буойуттарын туһунан видео көрдөрүлүннэ. Улуус нэһилиэктэриттэн саха аһа-үөлэ оонньонон көрөөччүлэр олус үөрдүлэр.
Иилээн-саҕалаан ыыттылар:
Мария Петрова, Александр Дьяконов, Горьяна Стрекаловская, Константин Колодезников, Анна Васильева, Дмитрий Местников.
Нам сирэ — кэскиллээх,
Чэгиэн турук үктэллээх,
Айар кут айдарыылаах,
Албан Аат айхаллаах!
