Кулун тутар 23-29 күннэригэр Улуу Кытай Дуньхуа куоратыгар I Аан дойдутааҕы «Дух времен-2025» Нам улууһуттан ССРС култууратын туйгуна, СӨ култууратын Үтүөлээх үлэһитэ Елена Александровна Кутукова салайааччылаах «Дьүөгэлэр» народнай вокальнай ансаамбыл баран ситиһиилээхтик кыттан кэллэ. Саха омук ырыатын Кытай сиригэр дуораччы ыллаан, араас омуктар киэҥ түһүлгэлэригэр Саха норуотун ырыатын, таҥаһын-сабын билиһиннэрдилэр уонна I истиэпэннээх Лауреат  үрдүк аатын ыллылар.

Ис сүрэхтэн эҕэрдэ буоллун — киэн туттар ырыа алыптаах «Дьүөгэлэр» ырыа народнай ансаамбылбытыгар!