Кулун тутар 29 күнүгэр бэстибээл-конкурска 10 оскуола орто сүһүөҕүн, 4 улахан сүһүөҕүн кылаастарын оҕолорун уонна 5 улахан дьон театральнай коллективтара – барыта 200-тэн тахса артыыстар кыттыыны ыллылар.

Нам улууһуттан Намнааҕы народнай театр иһинэн үлэлиир «Күндүл» ыччат литературнай-театральнай бөлөҕө кытынна. «Туос Мааскы» театральнай ускуустуба бэстибээл-конкурс улахан сүһүөх кылаастарын оҕолорун театральнай коллективтарын ортолоругар көрүүгэ:

«Бастыҥ актерскай ансаамбыл» анал аат ананна — Иван Семенович Гаврильев аат. Намнааҕы 1 нүөмэрдээх орто оскуола «Күндүл» театральнай бөлөҕөр. Роман Герасимов «Блокада суруктара», сал-лар Лариса Данилова, Роман Герасимов;

«Бастыҥ кыыс оҕо II-с былаанын оруола» анал аат ананна – Эльза Осиповаҕа, Роман Герасимов «Блокада суруктара» испиктээккэ Таня Ядрихинская оруолун иһин. Иван Семенович Гаврильев аат. Намнааҕы 1 нүөмэрдээх орто оскуола «Күндүл» театральнай бөлөҕө, сал-лар Лариса Данилова, Роман Герасимов;

«Бастыҥ кыыс оҕо оруола» анал аат ананна – Александра Алексееваҕа, Роман Герасимов «Блокада суруктара» испиктээккэ Таня Монастырева оруолун иһин. Иван Семенович Гаврильев аат. Намнааҕы 1 № орто оскуола «Күндүл» театральнай бөлөҕөр, сал-лар Лариса Данилова, Роман Герасимов.

Гран-При – И.С. Гаврильев аат. Намнааҕы 1 № орто оскуола «Күндүл» театральнай бөлөҕө. Роман Герасимов «Блокада суруктара» испиктээк, сал-лар Лариса Данилова, Роман Герасимов. Гран-При хаһаайыттарыгар «ДНС» атыы-эргиэн дьиэтиттэн Сертификата туттарылынна. Бирииһи туруорда – Мэҥэ Хаҥалас улууһун үөрэҕин управлениета, начальник – Толстяков Гаврил Николаевич.

Төлөннөөх эҕэрдэ буоллун ыччаттарбытыгар, режиссерга, биир идэлээхпитигэр Роман Александровичка уонна педагог-салайааччыбытыгар Лариса Дмитриевнаҕа, И.С. Гаврильев аат. Намнааҕы 1 № орто оскуола Саха тылын уонна литературатын учууталыгар. Баҕарабыт айымньылаах үлэҕит өссө күүһүрэн, өссө үрдүк чыпчааллары дабайаргытыгар!