Кулун тутар 11 күнүгэр Нам улууһун Олох-дьаһах хомунаалынай хаһаайыстыба тэриллибитэ 65 сыла бэлиэтэннэ.  

Бэлиэ күҥҥэ улуус баһылыга Юрий Слепцов, Ил Түмэн тыа хаһаайыстыбатыгар уонна аграрнай политикаҕа сис комитетын председателэ Александр Атласов, «Алроса-газ» АО генеральнай директорын солбуйааччы Антонина Винокурова, улуус депутаттарын Сэбиэтин председателэ Алексей Винокуров, улуус нэһилиэктэрин баһылыктара уонна Уус Алдан улууһун Найахы нэһилиэгин баһылыга Петр Слепцов, Уус Алдан улууһун баһылыгын бастакы солбуйааччытынан үлэлээбит Петр Сивцев эҕэрдэ тыл эттилэр, олох-дьаһах хаһаайыстыбатыгар кылааттарын киллэрбит дьоҥҥо наҕараадалары туттардылар.

Үрдүк таһымҥа ыытыллыбыт үөрүүлээх тэрээһини Саха Өрөспүүбүлүкэтин култууратын туйгуна, режиссер Иван Степанович Новиков иилээн-салайан туруорда.