Кулун тутар ый 12 күнүгэр, А.Ф. Шестаков аатынан Улуустааҕы норуот айымньытын дьиэтигэр З.П. Винокуров аатынан Намнааҕы оҕо искусстватын оскуолатын көҕүлээһининэн «Куйаар хомус» өрөспүүбүлүкэтээҕи конкурс тэрилиннэ. Өрөспүүбүлүкэ араас улуустарыттан оҕо, ыччат уонна улахан дьон кытынна. 

Киэһэтин Нам олохтоохторун уонна ыалдьыттарын саха кутун-сүрүн эрчимирдэр ураты тыыннаах дьоро кэнсиэр буолла. Хатыламмат кэрэ бэлиэ киэһэни А.Ф. Шестаков аатынан Улуустааҕы норуот айымньытын дьиэтин режиссера иилэнн-салайан Анна Яковлева туруорда.