Нам улууһугар олоҥхо декадатын көрсө, сэтинньи 21 күнүгэр А.Ф.Шестаков аатынан Улуустааҕы норуот айымньытын Дьиэтигэр «Олоҥхо дойдутун оһуора» декада арыллыытын үөрүүлээх тэрээһинэ буолан ааста.
Олоҥхо декадатын үөрүүлээх арыллыытыгар Дьокуускай куораттан ыҥырыылаах ыалдьыт социологическай наука доктора, Академик, уйулҕа наукатын кандидаата Ульяна Винокурова кэлэн эҕэрдэлээтэ. Ону сэргэ, Нам улууһун баһылыгын солбуйааччыта, Олоҥхо ассоциациятын Нам улууһунааҕы салаатын саҥа салайааччытынан анаммыт Егор Протопопов, улуус култуураҕа салаатын начальнига Семен Ядрихинскай, И.Е. Винокуров аатынан история уонна кыраайы үөрэтэр музей директора Афанасий Христофоров, Олоҥхо ассоциациятын Нам улууһунааҕы салаатын председателын солбуйааччы Светлана Лукина тэрээһиҥҥэ киирии тылы эттилэр, Нам улууһун сайдыытыгар, саха төрүт үгэһин тарҕатыыга үлэлэһэр улуус бастыҥнара наҕараадаланнылар.
Нам улууһун төрүт дорҕоонун сөргүтэ сылдьар айар куттаахтар ураты эйгэлээх кэрэ кэнсиэрин өрөспүүбүлүкэтээҕи «Олонхо-Баттл» күрэх финалиһа Вера Цыпандина Олоҥхо аныгылыы хайысхатын толорон көрдөрдө.
Кылыһахтаах саха төрүт дорҕооно дуорайар кэнсиэригэр Нам улууһун фольклор сайдыытыгар үлэлэһэр, саха төрүт үгэһин тарҕаар талба талааннаахтар Ирина Николаева, Владимир Осипов, Владимир Сыромятников, Руслан Павлов, «Нам кылыһах», «Кылы һаҕабын», «Талбаана», «Намылы», «Сарыада» (салайааччы Маайа Григорьева), «Дьүрүл» (салайааччы Мария Аргунова), «Дорҕоон», «Дуораан» (салайааччы Петр Машников), «Дьэргэлгэн», «Ай-тыл» (салайааччы Вера Цыпандина), «Дьүрүскэн», «Кудай» (салайааччы Сахаайа Колодезникова), «Эдэр тэтим» (салайааччы Сандр Находкин) саха ырыатын-тойугун, тыас-уус дорҕоонун арыйдылар. Нам улууһугар Олоҥхо декадата арыллыытын эҕэрдэлээх кэнсиэрин Оксана Кудрина, Геннадий Игнатьев иилээн-саҕалаан ыыттылар.
