Бүгүн киэн туттар композиторбыт Захар Порфирьевич Винокуров кэриэһигэр, кини ырыаларыгар «Дьол, үөрүү ырыалара» аһаҕас өрөспүүбүлүкэтээҕи ырыа күрэҕэ ыытылынна.
Манна Дьокуускай куораттан, Уус-Алдан, Таатта, Чурапчы улууһуттан уонна улууспут 9 нэһилиэгиттэн 153 ырыаһыт кытынна.
СӨ култууратын Үтүөлээх үлэһитэ, СӨ народнай артыыһа биир дойдулаахпыт Анегина Дьяконова салайааччылаах РФ уонна СӨ үтүөлээх артыыһа Анна Дьячковская, СӨ искусствотын Үтүөлээх деятелэ, саха композитора, педагог, дирижер, РФ уонна Саха сирин композитордарын союһун чилиэнэ Кирилл Герасимов, ССРС култууратын туйгуна, СӨ култууратын Үтүөлээх үлэһитэ Елена Кутукова, СӨ култууратын Үтүөлээх үлэһитэ Владимир Индигирскэй, СӨ култууратын туйгуна, Өрөспүүбүлүкэтээҕи норуот айымньытын дьиэтин специалиһа Анастасия Аммосова дьүүллүүр сүбэҕэ олордулар.
Күрэх кыттааччыларын үс бөлөҕүнэн сыаналаатылар. Ол курдук, бастакы бөлөххө оҕолор, иккис бөлөххө уус-уран самодеятельнас, үһүс бөлөххө идэтийбит ырыаһыттар биирдиилээн уонна бөлөҕүнэн Захар Винокуров айымньыларыттан толордулар. Түмүккэ:
Бастакы бөлөх
|
III ст дипломант |
«Ымыы» ырыа ансаамбыла |
Нам |
|
II ст дипломант |
Эрсан Федоров |
Нам |
|
I ст дипломант |
Виолетта Омукчанова |
Уус-Алдан |
|
III ст лауреат |
Вика Терехова |
Уус-Алдан |
|
II ст лауреат |
Дайаана Черкашина |
Уус-Алдан |
|
I ст лауреат |
Светлана Пермякова |
Уус-Алдан |
Бастакы бөлөх лауреаттарыгар, дипломаннарыгар З.П. Винокуров аатынан Намнааҕы оҕо искусствотын оскуолатын (директор — Алексей Семенович Афанасьев) анал бириистэрэ туттарылыннылар.
|
ГРАН ПРИ |
Дьулурҕан Харитонов |
Нам |
Кыайыылаах Дьулурҕан Харитонов композитор Захар Винокуров уруулара Екатерина Ивановна Попова, Екатерина Васильевна Стрекаловская туруорбут бириистэрин тутта.
Иккис бөлөх
|
Күрэх анал аата |
Анатолий Гуляев |
Нам |
|
III ст дипломант |
«Сандаара» ырыа ансаамбыла |
Нам |
|
II ст дипломант |
«Дьүөгэ» ырыа ансаамбыла |
Уус-Алдан |
|
I ст дипломант |
Елена Сивцева |
Чурапчы |
|
III ст лауреат |
Анна Нестерова |
Нам |
|
II ст лауреат |
Артем Тюкянов |
Нам |
|
I ст лауреат |
Мария Дьяконова |
Нам |
Иккис бөлөх лауреаттарыгар, дипломаннарыгар, күрэх анал аатыгар А.Ф.Шестаков аатынан Улуустааҕы норуот айымньытын Дьиэтин (директор — Николай Михайлович Жирков) сыаналаах бириистэрэ туттарылыннылар.
|
ГРАН ПРИ |
«Семпревойс» ырыа ансаамбыла |
Дьокуускай |
Кыайыылаах ансаамбылга Нам улууһун Хатыҥ-Арыы нэһилиэгин дьаһалтатын (баһылык — Иван Дмитриевич Ноговицын) анал бирииһэ туттарылынна.
Үһүс бөлөх (идэтийбит ырыаһыттар)
|
I ст дипломант |
Марина Оконешникова |
Арктикатааҕы култуура уонна искусство судаарыстыбаннай институтун устудьуона (Дьокуускай) |
|
III ст лауреат |
Мария Кузьмина-Маарыйа |
В. Босиков аатынан Музыка үрдүкү оскуолатын устудьуона (Дьокуускай) |
|
II ст лауреат |
Екатерина Ноговицына |
Арктикатааҕы култуура уонна искусство судаарыстыбаннай институтун устудьуона (Дьокуускай) |
|
Үһүс бөлөх лауреаттарыгар, дипломаныгар З.П. Винокуров аатынан Намнааҕы оҕо искусствотын оскуолатын анал бириистэрэ туттарылыннылар. |
||
|
I ст лауреат |
Петр Попов |
Г.Кривошапко аатынан СӨ судаарыстыбаннай филармониятын артыыһа (Дьокуускай) |
|
Петр Поповка Нам улууһун Хатыҥ-Арыы нэһилиэгин дьаһалтатын анал бирииһэ туттарылынна. |
||
«Ырыа айыллар ылланаары» диэн этэллэрин курдук, биллиилээх композитор, биир дойдулаахпыт Захар Порфирьевич Винокуров саха саргытын айхаллыыр ырыалара, үлэ киһитин уруйдуур айымньылара өссө даҕаны ыллана, дьон-сэргэ дууһатын манньыта турдуннар. Бары кыттааччыларга, салайааччыларга, дьүүллүүр сүбэҕэ уонна спонсордарга барҕа махталбытын тиэрдэбит! Инникитин даҕаны айымньылаах, тэрээһиннээх үлэҕитигэр ситиһиилэри, үгүс үөрүүлээх дьоллоох түгэни!
