![](https://udnt-nam.ru/wp-content/uploads/2023/11/WhatsApp-Image-2023-10-21-at-13.10.18-1-edited.jpeg)
Намнааҕы народнай театр «Күндүл» ыччатын бөлөҕө Москва куорат «Звонкая планета» Норуоттар икки ардыларынааҕы элбэх жаанырдаах конкурсун көрүүтүгэр «ГРАН-ПРИ» муҥур кыайыылааҕа буоллулар.
«Күндүл» бөлөх бу конкурса Саха норуодунай суруйааччыта, СӨ искусстватын Үтүөлээх диэйэтэлэ, СӨ Ытык Киһитэ Николай Лугинов «Кустук» уонна «Суор» айымньыларыгар олоҕуран режиссер Роман Герасимов туруорбут спектакылынан кытынна.
![](https://udnt-nam.ru/wp-content/uploads/2023/11/WhatsApp-Image-2023-11-21-at-09.05.42-1-722x1024.jpeg)
Ону кэккэлии өссө биир улахан ситиһии өрөгөйдөөтө — «Туруҥ, туруҥ! Туойуҥ!» Платон Ойуунускай айымньыларын уус-ураннык ааҕыыга Өрөспүүбүлүкэтээҕи күрэххэ «Мин ырыам ылланыа, мин аатым ааттаныа…» уот-төлөн тыллардаах литературнай композициянан ЛАУРЕАТ үрдүк аатын ыллылар уонна театр сайдыытыгар ананар харчылаах бириэмийэни туттулар.
![](https://udnt-nam.ru/wp-content/uploads/2023/11/photo1682209400-2.jpeg)
![](https://udnt-nam.ru/wp-content/uploads/2023/11/WhatsApp-Image-2023-11-15-at-21.13.02-710x1024.jpeg)
Намнааҕы народнай театр ыччаттарыгар, режиссерга Роман Александрович Герасимовка, «Күндүл» литературнай бөлөх салайааччытыгар, И.С. Гаврильев аатынан Нам 1№ орто оскуолатын учууталыгар Лариса Дмитриевна Даниловаҕа уонна бу спектаакыллар туруорууларыгар көстүүмҥэ, декорацияҕа, экранынан, уотунан, тыаһынан киэргэтиигэ күүс-көмө буолбут А.Ф. Шестаков аатынан Улуустааҕы норуот айымньытын дьиэтин үлэһиттэригэр үрдүк ситиһиилэринэн эҕэрдэбитин тиэрдэбит!