Сэтинньи 15 күнүгэр Нам улууһун М.К. Аммосов аатынан Култуура уонна духуобунай сайдыы Дыбарыаһыгар, Саха сирин Профсоюһун күнүн чэрчитинэн, Нам улууһугар культура салаатын үлэһиттэригэр анаан 80-ча киһи кыттыылаах тэрээһин киэҥ далааһыннаахтык ыытылынна.
«Профсоюз. Новое поколение» диэн ааттаах-суоллаах тэрээһини үөрүүлээх быһыыга-майгыга Нам улууһун култуура үлэһиттэрин идэлээх кэмитиэтин председателэ Александра Алексеевна Парникова киирии тылынан арыйда. Кыттыыны ыллылар — СӨ култуура үлэһиттэрин Идэлээх сойууһун кэмитиэтин председателя Анастасия Ивановна Самсонова, СӨ култуура үлэһиттэрин Идэлээх сойууһун кэмитиэтин председателын солбуйааччыта Варвара Гаврильевна Михайлова, ыччат сэбиэтин актыыбынай лидердара — эдэр специалистар, «Нам улууһа» МТ Култуураҕа уонна духуобунай сайдыыга Управление начальнига Семен Прокопьевич Ядрихинскай уонна Улуустааҕы Профсоюз ветераннарын сэбиэтин председателэ Раиса Николаевна Горохова уонна Ыччат түсмүүтүн председателя Мария Егоровна Дьяконова.
Ыҥырыылаах ыалдьыттары кытта ыкса олорон Идэлээх сойуус үлэтин туһунан, саҥа туох ирдэбиллэр баар буолбуттарын, үгүстүк бэриллэр ыйытыыларга олоҕуран, араас хайысханан ыытыллар үлэ бэрээдэгин быһаардылар.
Чаас усталаах кэм бэрт түргэнник ааһан, салгыы, ыччат үлэһиттэр үс хамаандаҕа арахсаннар, КВЕСТ-оонньууга киирдилэр.
Манна 7 станциянан араас интэриэһинэй уонна көрдөөх сорудахтары толордулар. Таарыччы экскурсиялаатылар, бэйэ-бэйэлэрин кытта ыкса билистилэр.
Бу бириэмэҕэ үлэ, сокуон уонна быраап араас боппуруостарыгар юридическай консультацияҕа прием, хабылыкка, эт-сиин эрчиллиитигэр маастар-кылаастар ыытылыннылар.
Түмүккэ, бары көрөөччү саалатыгар мустан, Квест-оонньуу түһүмэхтэрин түмүгүнэн хамаандаалар минньигэс бириис туттулар. Дьоһун күн ыччаттар флеш-моб үҥкүүлэринэн түмүктэннэ.
Ыалдьыттарбыт тэрээһини үрдүктүк сыаналаатылар, кыттыбыт биир идэлээхтэрбит олус сэргэхсийэн, туһалаахтык бу күнү атаардыбыт диэн махталларын эттилэр.
Инникитин даҕаны маннык тэрээһиннэр ыытылла турдуннар, биир идэлээхтэри, ыччаттары түмэ, үлэҕэ көҕүлүү турдуннар.
