Нам киинигэр, алтынньы 27 күнүгэр, Бүтүн Сойуустааҕы Ленинскэй Комсомол күнүн бэлиэтиир тэрээһин буолан ааста. Кыттааччылар, ыҥырыылаахтар Комсомол скверигэр мустан сибэкки дьөрбөтүн, аалай лиэнтэлээх күөх гирлянданы уурдулар. Ол кэннэ, П.И. Сивцев аатынан Намнааҕы история уонна этнография түмэлигэр үөрүүлээх быһыыга-майгыга бэлиэтээтилэр. Аҕам саастаах дьоммут ааспыт эрчимнээх кэмнэрин санаан-ахтан, үлэҕэ-үөрэххэ ситиһии кэккэлээх буолалларыгар кынаттаабыт оччотооҕуттан умнуллубат үтүөнү кэрэһэлиир ырыаларын ыллаатылар, хоһооннорун иһиттилэр, сэмсэ тылы эттилэр.
Урукку уорааннаах дьыллар кытаанах санаалаах дьонноро — бүгүҥҥү ытык кырдьаҕас ветераннарбыт буолаллар. Төһө даҕаны былыргы кэм дьапталҕата буолбутун иһин, билиҥҥи олохпут биир тулхадыйбат тирэҕэ — история буоллаҕа.
