Ийэ баар — бу сиргэ Аан дойду Аанньала!
Ананнын киниэхэ барыбыт махтала!
Алтынньы 18 күнүгэр Намнааҕы кииннэммит библиотечнай ситим ааҕар саалатыгар биһиги үлэһиттэрбит Туяра Петрова, Вера Цыпандина, Екатерина Слепцова, Наталья Петрова «Клевер» хамаанданан кытыннылар.
Биэс бэртээхэй түһүмэҕи аастылар. Ол курдук, Саха сирин историятыттан, биллиилээх дьонноруттан ыйытыыларга хоруйдаатылар. Көрдөөх оонньууларга күрэхтэстилэр.
Түмүккэ: «Куба» айар куттаах урбаанньыттар хамаандалара III-с, «Клевер» А.Ф. Шестаков аатынан Улуустааҕы норуот айымньытын дьиэтин үлэһиттэрэ II-с, «Күбэйэ» улуустааҕы библиотека үлэһиттэрэ I-кы бочуоттаах миэстэҕэ таҕыстылар.
Бу курдук, көхтөөх ийэлэр, түүктээх үлэттэн быыс булан, билиилэрин тургутунан көрдүлэр, сэргэхтик сынньаннылар. Биир идэлээхтэрбитин ситиһиилэринэн эҕэрдэлиибит уонна тэрийээччилэргэ барҕа махталбытын тиэрдэбит!
