Уопсастыбаҕа аҕам саастаах дьон ураты суолтаны ылар. Ол иhин 1991 сылтан Аҕам саастаах киhи күнэ аан дойду таhымыгар бэлиэтэнэр. Бу күн чэрчитинэн тэрилтэлэргэ, нэһилиэктэргэ, куораттарга араас таһымнаах тэрээһиннэр ыытыллаллар.
Бүгүҥҥү сайдыылаах олохпутун түстээбит, оҥкулун оҥорсубут ытык кырдьаҕас дьоммутугар болҕомто ууран, кинилэргэ сылаас, истиҥ сыһыаммытын анаан, көмүс саастарыгар үгүс үөрүүлээх, иһирэх түгэннэри бэлэхтииргэ судаарыстыба кыһамньытын уурар биир сүрүн соруга буолар.
Алтыньы 6 күнүгэр, үтүө үгэскэ кубулуйбут баян алыптаах истиҥ-иһирэх биэчэргэ Нам улууһун ветераннара муһуннулар. Ытык кырдьаҕас дьоммут, ааспыт сылларын санаан, эрчимнээх эдэр саастарыгар аргыс буолбут ырыаларын ыллаан, астына үҥкүүлээн дуоһуйдулар уонна А.Ф. Шестаков аатынан Улуустааҕы норуот айымньытын дьиэтигэр, чуолаан улууспут киэн туттар ырыаһытыгар, мелодист, СӨ култууратын туйгуна Афанасий Татариновка умнуллубат үөрүүнү бэлэхтээбитигэр барҕа махталларын тиэртилэр.
