Дириҥ суолталаах күҥҥэ, М.К. Аммосов аатынан култуура уонна духуобунас сайдыытын Дыбарыаһын иккис этээһигэр, Намнааҕы кииннэммит библиотечнай система тэрийиитинэн, фотограф, Арассыыйа дизайнердарын Сойууһун чилиэнэ Андрей Жилин «САХА. Топографические портреты» хаартысканан выставката үөрүүлээх быһыыга-майгыга арылынна.
Нам улууһугар туруоруллубут выставка көҕүлээччитэ — норуот маастара, Арассыыйа худуоһунньуктарын Сойууһун чилиэнэ, Нам улууһун Ытык Киһитэ Анна Николаевна Зверева. Манна, фотограф Андрей Викторович Жилин улууспут олохтоохторун, саха төрүт үгэһин илдьэ сылдьар ураты эйгэлээх дьоннорун, күннээҕи олох түгэннэрин, саха сирин айылҕатын кэрэхсэтэр үлэлэр таҕыстылар. Андрей Викторович Саха сирин дьонун-сэргэтин, ураты култууратын, кэрэ айылҕатын сүрэҕинэн-дууһатынан таптаан, кыл түгэни хаартыскалаан, үйэтитэргэ үлэлэһэр.
