Бэс ыйын 12 күнүгэр Дьокуускай куорат «Ил Эйгэ» пааркатыгар Саха Өрөспүүбүлүкэтин Култуураҕа уонна духуобунай сайдыыга министерствотын уонна Идэлээх сойуус тэриллибитэ 70 сылыгар аналлаах өрөспүүбүлүкэбит култууратын үлэһиттэрин ыһыаҕа буолан ааста.
Нам улууһуттан 7 үлэһит кыттыыны ылла. С.П.Ядрихинскай уонна Намнааҕы култуура үлэһиттэрин профсоюһун салайааччыта А.А. Парникова , эдэр үлэһиттэр Анна Слепцова, Руслан Павлов, Оксана Кудрина, Алексей Дьячковскай уонна Вера Цыпандина эҕэрдэ концертка кытыннылар. Оһуохай күрэҕэр Вера Цыпандина 11 этээччиттэн бастыҥ буолан «Көмүлүөк» фирматтан сертификатынан наҕараадаланна.
