Төрөөбүт төрүт тылы сөргүтүү, тыл баайын сайыннарыы, олоххо оҥкулу ууруу, кэлэр кэнчээри ыччаты көҕүлээһин — бу барыта норуот сайдар кэскилин кэрэһэлээһин, сырдыкка, кэрэҕэ уһуйуу буолар. Дьокуускайдааҕы технология уонна дизайн кэллиэһигэр олунньу 21 күнүгэр устудьуоннарга уонна уһуйааччыларга тэрээһин ыытылынна.
Нам улууһуттан А.Ф.Шестаков аатынан Улуустааҕы норуот айымньытын дьиэтин фольклорга испэсэлииһэ Григорьева Мария Степановна маанылаах ыалдьыт быһыытынан ыҥырыллан кыттыыны ылла.
Мария Степановна «Уустарга, маастардарга» айбыт дэгэрэҥ ырыатын кэллиэс устудьуоннара, уһуйааччылар толордулар. Мария Степановна кылга оонньоон доҕуһуоллаата, ырыаларын дискэтин бэлэхтээтэ. Инникитин дэгэрэҥ ырыаны Дьокуускайдааҕы технология уонна дизайн кэллиэһэ Өрөгөй ырыа быһыытынан ыллыахпыт диэн санаа атастастылар.
Истиҥ иэйии эҥэрдэстин, амарах санаа аргыстастын!
