Куобах сыла саҕаланыыта Намнааҕы М.К. Аммосов аатынан култуура Дыбарыаһыгар 2022 сыл түмүгүнэн спорт эйгэтигэр бастыҥнарын чиэстээтилэр. Ол курдук, ахсынньы 13 күнүгэр Нам улууһун тренердэрэ, спортинструктордара, спортсменнара, баһылыктара, ветераннар, спорка сыһыаннаахтар бырааһынньыктара буолла.
Ол күн тоҕуоруһа мустубут спортсменнарга Ил Түмэн бэрэссэдээтэлэ Алексей Еремеев эҕэрдэтин, баҕа санаатын ааҕан иһитиннэрдилэр. Наммыт улууһугар инникитин кыайыылар кэллиннэр диэн спорт эйгэтигэр үлэлиир салайааччыларыттан, үлэһиттэриттэн баҕа санаалар этилиннилэр. Ол курдук, спорка инники хардыылар буолбуттарын, хамсааһыннар, үлэлэр барбыттарын бэлиэтииллэр. 2023 сыл саҕаланыыта Нам улууһугар спорт дьиэлэрэ ааннарын тэлэччи аспыттарын, күрэхтэһиилэр ыытыллан саҕаламмыттарын дьокутааттар Сэбиэттэрин бэрэссэдээтэлэ Алексей Винокуров холобурга аҕалар. Россияҕа, Саха сиригэр физкультура тэриллибитэ 100 сылынан МАУ «Лидер» тэрилтэ салайааччыта Иван Яковлев эҕэрдэлиир. «2022 сыл түмүктэрэ» тэрээһиҥҥэ нэһилиэк баһылыктара бэйэлэрин спортсменнарын эҕэрдэлээтилэр, махтал тылларын эттилэр.
Подробнее: https://xn--h1aaigu4ed.xn--p1ai/article/86006
